रोमी 1:30 - थुलुङ राई

³⁰ मा वाङमिमलाई डक्‍साका जेमी, माम्‍चु़नीडाम घ्राम्‍सिमी, सु़लाई वो जो़पा मेबोमी, डोक्‍पु लिसिमी, डोक्‍पु ल्‍वा बोमी, मेजो़पा ल्‍वा माल्‍सा माल्‍सा ख्‍लुमी, मेर्मिमका माम पापकु ल्‍वा मेथो़मी।

रोमी 1:30 Referans Kwoze

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

याकूब 4:16

लावो गानी मिम्‍निमिम ल्‍वाडा इनी नो़ ल्‍वान्‍थानी, मा डोक्‍पु लिन्‍सिनी। आरेप्‍माम डोक्‍पु लिसिसी ने मेजो़पा सो़।

याकूब 3:5

लेम वो मेप्‍मामङा सो़। ओराम मिरो़मडा याक्‍के बु लोवो डोक्‍पु-डोक्‍पु ल्‍वा बु़। रेप्‍नी, डोक्‍पु सो़ब्‍दी वो कोङ याक्‍के बिछेर्मुलामका रुकु ल।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

२ कोरिन्‍थी 10:15

वाङमिमका बेम्‍डिम खारीडा गुकु आकी त्‍वाका बेत्तोकोम र्‍वाक्‍साका डोक्‍पु मेलिसिन्‍कु। लावो इनीमा थो़र बर्तो ललो गानीगोडा दु़म्‍पा आकीमा खारी वाङमिम खोमथो़ वो बर्तो लनु़ र्‍वाक्‍पा आकीमा न बु।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।

रोमी 2:23

माम्‍चु़नीका ग्‍वाक्‍साड्‍डामिम डु़म्‍ला गुइनुङ बु र्‍वाक्‍साका गानी डोक्‍पु लिन्‍सिनी, हाम गानी मेरामङा डु़म्‍लाका र्‍वामिमिम होङङा मेबोनी मा?

रोमी 2:17

लावो गानी गो यहूदी ङा र्‍वाक्‍साका डु़म्‍लाडा थो़रलु़नी मा माम्‍चु़नीलाई छेपु र्‍वाक्‍साका डोक्‍पु लिन्‍सिनी।

थु़र्मा 5:36

हेङालोने ओरामडाम किचो़ ङादो वो थुदासका डोक्‍पु मु़चु़ लिस्‍तामा ब्‍ल सङ (४००) कोति मु़चु़मिम मेरामनुङ लाम्‍दिम्‍डी। चङडा मेराम मु़चु़ सेट्‌मिडी, मा गुनुङ लाम्‍दिपामिम खोत्‍ले ङा फोन्‍सिम्‍डी, मा मेकोतिङा दाम्‍मिडी।

लूका 21:16

लावो इनी त्‍वाकु माम-पाप नुङ वा-ल्‍वाकमिम, इनी मु़चु़मिम, मा इनी ङोप्‍सो़मिमका ङा वो गानीलाई चु़म्‍बेनिमी, मा गानीगोडाम कोङ-कोङलाई मेर्मिमका सेन्‍मी।

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

मत्ती 15:4

हेङालोने माम्‍चु़नीका र्‍वाम्‍डिम बु, ‘त्‍वाकु माम-पापलाई डोक्‍पु बेनी, मा माम-पापलाई वाइतो बेट्‌पा मु़चु़ सेन्‍मुङा बासी।’

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।