रोमी 1:28 - थुलुङ राई

²⁸ माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

रोमी 1:28 Referans Kwoze

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

रोमी 1:24

मेम्‍मिमका मेर्मिमकु नका बोमु माल्‍लु़म घ्रामलु़पा खारी बेसीडाङा माम्‍चु़नीका डिट्‍जो़ल्‍मिडी मा मेर्मिमका उनी त्‍वापगोडाङा क्रो़मलु़पा खारी बेम्‍डी।

२ तिमोथी 3:8

माम्‍चु़नीलाम-जेपा मोशाकु कोर्थो़लाम यान्‍नेस नुङ याम्‍ब्रेस बक्‍चिम होम्‍साका ओर्मिम मु़चु़ वो आच्‍छाङाकाम ल्‍वाकु कोर्थो़लाम बमी। ओर्मिम मु़चु़कु न झिप्‍स्‍ताम बु, मा उनीमा थो़र आच्‍छाङाकाम मिबु।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

एफिसी 5:4

क्रो़मलु़पा नाम्‍सु़रु़ ल्‍वा, नेप्‍ची मान्‍थिम ल्‍वामिम मा नाले डाट्‌पा ल्‍वामिम इनीमा सिलामका मेलुनु़, लावो माम्‍चु़नीलाई आलासो़ ग्‍वाक्‍पा दु़म्‍नी।

रोमी 1:26

मेम्‍मिमका माम्‍चु़नीका मेर्मिमलाई उनी घ्रामलु़पा न होम्‍साका खारी बोमु ग्‍वाम्‍डी। मेर्मिमका उनीमा त्‍वाकु वोचु़नुङ अम्‍मु डिसाका मेजो़पा नका मेसेम-मेसेम अम्‍मिडी।

२ पत्रुस 3:5

लावो माम्‍चु़नीकु सिजेमलामका पाह्री नुङ सुबु माकेङा प्रङ्‌मिडिम ल्वा मेर्मिमका थेसा-थेसाका वो प्‍ल्‍वामी। सुबु ने कुलामका फ्‍वाक्‍साका कुलामका बनेदु़स्‍ता र्‍वाक्‍पा ल्‍वा वो थेसा-थेसाका मेर्मिमका प्‍ल्‍वामी।

फिलेमोन 1:8

गो ङाचो़ येशूकु थु़र्मा दु़म्‍ङोडोमका गाना हाम बोमु बासी र्‍वाक्‍साका गो र्‍वामु चापु लोवो,

२ कोरिन्‍थी 10:5

मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

थु़र्मा 17:32

मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।

थु़र्मा 17:23

ओराम शहरडा खिर्सिङडोलो इनीमा नो़पखोममिम वो रेप्‍तो। कोङ सासेन्‍खोप खोमडा ‘उ नङ मेचमा नो़पकाम लागि’ र्‍वाक्‍साका र्‍याक्‍मा बाइडा। गानी मेछेसाका ङा सेव साट्‌निम मेराम नो़पकु दुथाम ओम्‍लो गो सो़त्तोङा बेउ।