रोमी 1:25 - थुलुङ राई

²⁵ मेर्मिमका माम्‍चु़नीकु आच्‍छाङाकाम ल्‍वालाई लिमा ल्‍वानुङ फाट्‌मिडी, मा खोलेम थोक प्रङपा माम्‍चु़नीलाई मेएँ लावो गुमीका प्रङमिडिम थोकमिमलाई सेव साट्‌मिडी। लावो आलाकाम माम्‍चु़नीलाई हेल्‍लो लोवो डोक्‍पु बेसाका उनीमा नङ कोसिनु़। आमेन।

रोमी 1:25 Referans Kwoze

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

रोमी 1:23

मेर्मिमका हेल्‍लो लोवो बाट्‍पाम बाट्‍पा माम्‍चु़नीकु नङ कोमु बासिक्‍पाडा सिपामा लक्‍पा मु़चु़, सो़ब्‍दीपो नेब्‍दीपो, सिकेवा माङकेवा, सुसिसाका लाम्‍दिपा डोक्‍पु याक्‍के फुचु़-रोक्‍चु़मिमकु ङाटा सेव साट्‌मिडी।

२ तिमोथी 3:4

ङादो जेम्‍मा होम्‍साका मेबेपा, मेमिम्‍साकाङा खारी बेपा, डोक्‍पु लिसिक्‍पा, माम्‍चु़नीलाई रिखाम मेबेसाका त्‍वाकु नसीहोम बेपा,

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

एफिसी 3:21

येशू ख्रीष्‍टलाम मण्‍डलीडा खोत्‍लेका हेल्‍लो लोवो कोमिनु़। आमेन।

यूहन्‍ना 2:8

गुमीका मेर्मिमलाई र्‍वाम्‍डी, “कतिकलङ वाप्‍नी, मा ग्रुलाकु ङाउलाई कोर्नी।” मेर्मिमका कोर्मिडी।