रोमी 1:21 - थुलुङ राई

²¹ मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

रोमी 1:21 Referans Kwoze

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

रेम्‍बेट्‌मिडिम ल्‍वा 14:7

गुका डोक्‍पु लो़लामका आरे र्‍वाक्‍ता, “माम्‍चु़नीकु ङिम जु़ल्‍नी मा गुमी डोक्‍पु बुमी र्‍वाक्‍नी, हेङालोने गुमीका निया बेपा थारी रोक्‍ताम बु। सुबु, पाह्री, दिरिदिन नुङ कुकु पुन्‍खोपमिम प्रङपा गुमीलाई सेव साट्‌नी।”

यूहन्‍ना 3:19

मुलु़दुङकु ओरामङा सो़: माम्‍चु़नीकु ओल सु़म्‍दिसेरडा योक्‍ताम बाइडा। लावो मु़चु़मिमका ओलडाम ने तुकुम्‍चिमङा हापा द्‌वाम्‍डी, हेङालोने मेर्मिमकु खारीमिम मेजो़पा बाइडा।

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

रोमी 11:10

मेर्मिमकु मिक्‍सीका ल्‍वामु मेचापा बेसाका तुकुम्‍चिमका हुप्‍नु़ मा मेर्मिमकु चङ हेल्‍लो लोवो गुट्‍नु़म बुनु़।”

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

रोमी 1:19

माम्‍चु़नीका मेर्मिमलाई देन्‍दे ग्‍वामी, हेङालोने माम्‍चु़नीकु दुथाम मु़चु़का थेन्‍मु बासिक्‍पा ल्‍वा माम्‍चु़नीका त्‍वाकाङा मेर्मिमलाई छ्र्याङलो छ्‍याङलो दु़म्‍पा बेसाका रेम्‍बेट्‌मिडिम बु।

रोमी 15:9

ओराम ल्‍वा थेसीथेन्‍बेन्‍मु नुङ वाङसामामिमका वो माम्‍चु़नीकु दिदामकाम लागि उनीमा नङ कोमिनु़ र्‍वाक्‍साका ख्रीष्‍ट योम्‍डिम सो़। माम्‍चु़नीकु सिजेमडा र्‍याक्‍मा बु, “मेम्‍मिमका वाङसामामिमगोडा गो इनीमा नङ कोक्‍पु, मा इनीमा सो़रलोले बेउ।”

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।