रोमी 1:18 - थुलुङ राई

¹⁸ पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

रोमी 1:18 Referans Kwoze

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

रोमी 1:32

आरेप्‍माम मु़चु़का ने सिमुङा घ्रेट्‍पा दु़म्‍मी र्‍वाक्‍पा माम्‍चु़नीलाममिम छो़म जो़पा डु़म्‍ला थो़त्तो थो़त्तोङा वो मेर्मिमका मेप्‍माम ङा खारी बोमी। मेकोति कोङङा मेएँ, आथावो कोर्थो़लाम मेप्‍माम खारी बेपालाई कोमी।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

२ थेसलोनिकी 2:10

मा पुयु़ लुक्‍पा मु़चु़मिमलाई मेरामका खोत्‍ले मेजो़पा ल्‍वाका लु-फेले बु़मी। मेर्मिम पुयु़ लुमी हेङालोने सेल्‍सिक्‍पा आच्‍छाङाकाम ल्‍वा मेर्मिमका मेद्‌वाक्‍मिवा मा मेरमिवा,

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

रोमी 5:9

गुमी सासेन्‍ला सो़सिम्‍डिमा उनीमा सिसिलामका गुइलाई माम्‍चु़नीकु ङादोडा जो़पा न-गोकाम दु़म्‍बेसाड्‍डामी। मेम्‍मिमका गुमीका गुइलाई माम्‍चु़नीकु छोक्‍चोलामका आच्‍छाङा गेसाड्‍डामी।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

रोमी 1:19

माम्‍चु़नीका मेर्मिमलाई देन्‍दे ग्‍वामी, हेङालोने माम्‍चु़नीकु दुथाम मु़चु़का थेन्‍मु बासिक्‍पा ल्‍वा माम्‍चु़नीका त्‍वाकाङा मेर्मिमलाई छ्र्याङलो छ्‍याङलो दु़म्‍पा बेसाका रेम्‍बेट्‌मिडिम बु।

रोमी 5:6

सेल्‍सिमुकाम लागि गुइ इकी त्वाकाङा हाम वो बोमु मेचाप्‍सी। मेम्‍मिमका येशू ख्रीष्‍ट उनी त्‍वापङा गुइ छु़लचो़काम लागि माम्‍चु़नीका र्‍वाम्‍डिम थारीकाङा सिम्‍डी।

रोमी 3:9

मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

२ थेसलोनिकी 2:6

मेराम मु़चु़ रेम्‍बेसिनु़ र्‍वाक्‍साका उमा थारी रोमिमसम्‍म हामका भोप्‍थाडु़मिम बु मेराम गानी चनी।