रोमी 1:16 - थुलुङ राई

¹⁶ जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

रोमी 1:16 Referans Kwoze

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

२ तिमोथी 1:8

मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।

१ पत्रुस 4:16

लावो गानी थो़रलु़पा दु़म्‍निमका दु़खा ल्‍वानी माला ने इनी क्रो़म मेलु़नु़। मु़चु़मिमका गानीलाई थो़रलु़पा र्‍वामिमिमकाम लागि माम्‍चु़नीलाई आलासो़ ग्‍वाक्‍नी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

लूका 9:26

कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

१ कोरिन्थी 2:4

आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

रोमी 10:17

थो़रलु़सी ने हाम थो़स्‍तिम बु मेरामलाम रो मा हाम थो़सी मेराम ख्रीष्‍टकु सिजेमलाम रो।

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

१ कोरिन्थी 15:2

गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

रोमी 2:9

मेजो़पा खारी बेपा खोत्‍ले मु़चु़मिमगोडा खोत्‍लेडाम ङादो यहूदीमिम मा वाङसामाडला दु़खा नुङ ङिमलु़पा थारीमिम रो।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

२ कोरिन्‍थी 2:12

ख्रीष्‍टकु दुथाम जो़पा-सेला थो़बेड्‌डा गो त्रोआस शहरडा रोङडोलो ङाचो़का आमा लागि लाम्‍चोको होल्‍साङ्‌डिमिम बाइडा।

१ कोरिन्थी 9:18

मेम माला गो हाम ल्‍वाउ? सु़नुङ वो खउलुङ मेरसाका जो़पा-सेला थो़बेन्‍मु ङा जि ल्‍वापा ल्‍वा सो़। मेम्‍मिमका जो़पा-सेला थो़बेट्‌पुमिलो गो ल्‍वामु बासिक्‍पा हेल्‍लो वो मेबिउ।

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

रोमी 15:29

गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

२ तिमोथी 1:16

ङाचो़ येशूका ओनेसिफरसकु नेमडाममिमलाई न-थो़म रेम्‍बोमिनु़, हेङालोने मेरामका छेम-छेमका ख्‍लो़साका आमा सो हन्‍बेथाल्‍लु़, मा चला सो़ङ्‌सिङ्‌डोमडाम उमा क्रो़म मेलु़थालावा।

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?