रोमी 1:13 - थुलुङ राई

¹³ द्‍वादीबुङ वा-ल्‍वाकनी, गो इनीमाडा हापा खेप रोक्‍पा न बेउतो लोवो ओम्‍लोसम्‍म रोमु चाप्‍तोम मिबु र्‍वाक्‍पा ल्‍वा गानी थेसिथेट्‍नी र्‍वाङु। वाङ सामामिमगोडा खारी बेउतोम होम्‍साका गानीगोडा वो खारी बेसाका मु़चु़मिमलाई ख्रीष्‍टडा रेट्‍पा आमा न बु।

रोमी 1:13 Referans Kwoze

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

फिलिप्‍पी 4:17

गो ख्‍लो़ला सो़सिमु मालुमिम मेएँ, लावो गानी ग्‍वानिमका माम्‍चु़नीलाम ल्‍वानिमिम इनीमा पुरस्‍कार काम्‍सिक्‍तो लनु़ र्‍वाक्‍पा आमा न बु।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

१ थेसलोनिकी 2:18

गुकु इनीमाडा रोमु छो़म माल्‍तोको, मा गो पावल ने हापा खेपङा रोमु माल्‍तो, लावो शैतानका भोप्‍तिकी।

२ कोरिन्‍थी 1:8

वा-ल्‍वाकनी, गुकु एशियाडा दु़खा ल्‍वात्तोकोम ल्‍वाकु दुथाम गानी वो चन्‍जो़ल्‍नी र्‍वाक्‍पा आकीमा न बु। मेसिन्‍डा गुकु छो़म दु़खा ल्‍वात्तोको, मेराम गुकु इम्‍मुङा मेचाप्‍कुवामका आकी साम जु़ल्‍मु वो न सेत्तोकोम बाइडा।

१ कोरिन्थी 12:1

वा-ल्‍वाकनी, माम्‍चु़नी पेललाममिम राप्‍लावामिमकु दुथाम गानी मेचक्‍साका बानी र्‍वाक्‍पा आमा न मिबु।

१ कोरिन्थी 10:1

वा-ल्‍वाकनी, मोशाकु चङचङ लाम्‍दिपा इकी ङाउ-खुउमिमलाई हाम दु़स्‍ता र्‍वाक्‍पा गो गानीलाई मिम्‍बेन्‍मु आमा न बु। मे खोत्‍ले ङाउ-खुउमिम खासेकु बोसी-थार्सीगोयु़ हेवो मेदु़म्‍साका लालाम दिरिदिन झोसाका होनो होम्बु लम्‍डी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

यूहन्‍ना 4:36

मा-के हक्‍पाका उ ज्‍याला ल्‍वासु़, मा मेसिपा त्‍वारो़मकाम लागि मा-के खोप्‍डु़। मेम्‍मा मा-के ख्‍लिपा नुङ रु़पा कोयोङा गेर्सिन्‍ची।

२ थेसलोनिकी 2:7

डु़म्‍लाकु कोर्थो़लाममिम यु़मका थसिक्‍साका खारी बेत्तोङा लेडु़। कोङनिमका ओरामलाई भोम्‍थामिमिमसम्‍म मेमङा बु़होम बु।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

१ कोरिन्थी 9:2

गो वाङमिमकाम लागि थु़र्मा मेएँ लोवो इनीमा लागि ने आच्‍छाङा थु़र्मा ङा, हेङालोने ङाचो़ येशूडा गो थु़र्मा दु़म्‍ङोडोमकु छेखोप गानीङा सो़।

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

यूहन्‍ना 12:24

आच्‍छाङा गो गानीलाई र्‍वाङु, जेप्‍सेरकु मा क्‍वाडला हुम्‍साका मेसियावा माला मेराम उ त्‍वापङा दु़म। लावो मेराम सिडा माला मेरामका हापा मा सिन्‍बेडु़।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 28:14

मेसिन्‍डा गुकु येशूडा थो़रलु़पामिमलाई डार्तोको, मा मेर्मिमका येतलेमसम्‍म गुकुलाई बुइ र्‍वाम्‍डी। आरेसाका गुकु रोम शहरडा रोक्‍फात्तोको।

रोमी 1:12

इनीमा थो़रका गोलाई मा आमा थो़रका गानीलाई गुइ त्‍वाप-त्‍वापगोडा सो हन्‍सी ल्‍वासिनु़ र्‍वाक्‍पा आमा न बु।

रोमी 7:1

वा-ल्‍वाकनी, गो ओराम ल्‍वा डु़म्‍ला थेट्‍पामिमलाई र्‍वाक्‍तोङा बेउ। मु़चु़कु साम बुमिमसम्‍म कोङङा डु़म्‍ला दु़महोम बु र्‍वाक्‍पा गानी चनिम मिबु मा?

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ कोरिन्थी 14:26

वा-ल्‍वाकनी, गो र्‍वामु माल्‍तोम ल्‍वा ओरामङा सो़। सो़रलोले बोमु गानी कोदेप खोम्‍सिनिलो कोलेका काम्‍सो बु़, कोङमीका सिजेम सीडु़मी, कोङमीका माम्‍चु़नीका रेम्‍बोमिमिम ल्‍वा सो़यु़, कोङमीका थेसिमेथेडिमिम वाङमी ल्‍वालाम जे मा कोङमीका जेम्‍मा ल्‍वाकु दुथाम सो़यु़। ओर्मिम खोत्‍ले ल्‍वाका मण्‍डलीलाई यु़मनुङमा दु़म्‍बेन्‍मु बासी।

गलाती 3:15

आमा वा-ल्‍वाकनी, गुइ हेल्‍लो लोवो बिइ दोसीमिमलामका गो गानीलाई कोले ल्‍वा रेम्‍बेनिनी। नले मु़चु़का कोले ल्‍वाडा निफिकाङा उची नङ र्‍याचिमा याचे जेची माला मेराम आच्‍छाङा बोचिमिम दु़म। मेर्चिप दु़चिमिम ल्‍वा सु़का वो फाल्‍मु नुङ मेरामडला हाम-हुम ल्‍वा काम्‍मु मेचाप्‍सु़।

गलाती 6:18

आमा वा-ल्‍वाकनी, इकीमा ङाचो़ येशू ख्रीष्‍टकु दिदाम इनीमा न-गोडा दु़म्‍नु़म बुनु़। आमेन।

फिलिप्‍पी 1:22

गो ओराम सुबुडाङा दु़म्‍ङुम बुङु माला छो़म मा सिन्‍बेट्‌पा ब्राम्‍दु़ल्‍वा बेउहोम बुङुमिम दु़म। लावो गो सिमु डे नु़मु उहेम छेपुमिम, मेचक्‍पु।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।