रोमी 1:11 - थुलुङ राई

¹¹ माम्‍चु़नी-पेललाममिम जि गानीनुङ दो़साका ख्रीष्‍टडा हापा सोनुङमा दु़म्‍बेन्‍मु चापुनु़ र्‍वाक्‍साका गो गानीनुङ घ्रो़म्‍मु न बेउतोम बु।

रोमी 1:11 Referans Kwoze

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

२ थेसलोनिकी 3:3

लावो ङाचो़ येशू ने थो़रलु़इमिम बुमी। गुमीका गानीलाई सो ग्‍वानिमी, मा शैतानडाम बोनी-थार्नी।

रोमी 15:29

गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

२ थेसलोनिकी 2:17

इकी सो हन्‍बेट्‌पा माम्‍चु़नीका खोत्‍ले इनी जो़पा खारी बेसीडा नुङ जेसीडा सो हन्‍बेन्‍सानिमिनु़, मा ख्‍लो़निमिनु़ र्‍वाक्‍साका सो़म्‍दी बोकु।

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।

थु़र्मा 16:5

मेम्‍मिमका मण्‍डलीमिमकु थो़र बर्तो लस्‍ता, मा येशूडा थो़रलु़पामिम हेल्‍लो लोवो बर्तो लम्‍डी।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

फिलिप्‍पी 2:26

हेङालोने गुका गानी खोत्‍लेनुङ छो़म घ्रो़म्‍मु न बु़मिम बु, मा गु नो़पा बाइडा र्‍वाक्‍पा गानी थो़न्‍निमका छो़म मिम्‍ताम-सो़र्ताम बु़डु़म बु।

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

२ कोरिन्‍थी 9:14

मेम्‍मा माम्‍चु़नीका गानीलाई आकोम डोक्‍पु दिदाम ग्‍वाक्‍निमिमका मेर्मिमका गानीलाई छो़म रिखाम बेसाका इनीमा लागि सो़म्‍दी बोमी।

२ कोरिन्‍थी 1:21

माम्‍चु़नीका गानी नुङ गुकु खोत्‍लेलाई ख्रीष्‍टडा सो ग्‍वाक्‍साड्‍डामिम बु। गुमीकाङा गुकुलाई थुत्तिकिमिम सो़।

रोमी 15:32

मेम्‍मा माम्‍चु़नीकु न होम्‍साका गो इनीमाडा गेर्सी द्‍वाक्‍तो रोङु मा कोयो-कोयो न-गो भ्रसिक्‍तो बुइनु़ र्‍वाक्‍साका सो़म्‍दी बेनी।

रोमी 15:23

लावो ओर्मिम खोमडा गो जो़पा-सेला दो़मु दु़म्‍तोम बु। हापा थ आथाम गो गानीलाई क्रो़म्‍मु छो़म न बेउतोम बाइडा।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

रोमी 1:12

इनीमा थो़रका गोलाई मा आमा थो़रका गानीलाई गुइ त्‍वाप-त्‍वापगोडा सो हन्‍सी ल्‍वासिनु़ र्‍वाक्‍पा आमा न बु।

२ कोरिन्‍थी 1:15

गुइ इकी त्‍वाप-त्‍वापडा आच्‍छाङा थेसीथेन्‍बिइ र्‍वाक्‍पा गो लु़ङ्‌डोमका गानी नक-खेप जि-वा ल्‍वानी र्‍वाक्‍साका आथावो इनीमाडा रोमु न बेउतोम बाइडा।