Biblia Todo Logo
Bib sou entènèt

- Piblisite -




रेम्‍बेट्‌मिडिम ल्‍वा 9:20 - थुलुङ राई

20 ओर्मिम सेट्‌पा दु़खाका मेसेट्‌मा वाङमिम मु़चु़मिमका आथावो उनी मेजो़पा खारीलाम मेख्‍लोम्‍सिट्‌मिवा। मेर्मिमका मुनाङमिम नुङ मिक्‍सीका ल्‍वामु मेचापा, मेथो़पा मा लाम्‍दिमु मेचापा सो़ना, मतो, बुलु, लुङ नुङ सङकु ङाटालाई सेव सान्‍मु मेडिट्‌मिवा।

Gade chapit la Kopi




रेम्‍बेट्‌मिडिम ल्‍वा 9:20
43 Referans Kwoze  

मु़चु़ सेसी, जादु बेसी, वाङमिम मेसेमनुङ अम्‍सी, मा खुपा खारीलाम मेर्मिम मेख्‍लोम्‍सिट्‌मिवा।


दिफुम थारीबिलि कोङनिम मु़चु़मिम उनी थो़र लु़सीलामका ख्‍लोम्‍सिट्‌मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्‍वाक्‍साका माम्‍चु़नी-पेलका जो़होमका र्‍वामी।


लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।


मेकोतिमा मेराम थारीका मेर्मिमका कोङ बाछाकु ङाटा बनेबेम्‍डी। मेरामडला सासेसाका उनी त्‍वाकु ल्‍वाका बेम्‍डिम खारीडा मेर्मिम छो़म गेर्सिद्‌वाम्‍डी।


गो आथावो इनीमाडा रोङुलो गानी मेजो़पा खारी बेन्‍निमका माम्‍चु़नीडा आमा क्रो़म लु़ र्‍वाक्‍पा ङिम लु़। मेम्‍मा ङादो छु़ल बेपा हापा मु़चु़मिमका आथावो त्‍वाका बेम्‍डिम घ्रामलु़पा खारी, नाम्‍सु़रु़ नुङ वाङमिम मेसेमनुङ अमअम द्‌वाक्‍पा नलाम मेख्‍लोसिप्‍मिवामका गो ख्राम्‍मु बासी डे र्‍वाक्‍पा गोलाई ङिम लु़डाम बु।


“मेम्‍मिमका गुइ माम्‍चु़नीकु चो़-चु़सु़ दु़स्‍तिमका, सो़ना, मत्तो नुङ लुङलामका मु़चु़कु ल्‍वाका बनेबेम्‍मा मेराम ङाली होप्‍माम माम्‍चु़नी बुमी र्‍वाक्‍पा गुइ मिम्‍सी मेनु़।


हेङालोने कु-रु़दु़म ग्‍वाक्‍पा यूहन्‍ना माम्‍चु़नीका माल्‍मिमिम होम्‍साका गानीलाई दो़बेड्‌डा इनीमाडा रोक्‍ता। लावो गुका र्‍वाक्‍ताम ल्‍वाडा गानी थो़र मेलु़निवा। कर फक्‍पामिम नुङ वेश्‍यामिमका ने गुका र्‍वाक्‍ताम ल्‍वाडा थो़र लु़म्‍डी। मेर्मिमका थो़र बेम्‍डिम ल्‍वान्‍निमा वो गुका र्‍वाक्‍ताम ल्‍वाडा थो़र बोमु मेबिन्‍सिट्‌निवा, मा इनीमा छु़ललाम मेख्‍लोन्‍सिट्‌निवा।”


मेम्‍मा ब्‍लनोम पाह्रीचो़का नेम्‍सुङडला उ कान्‍चु़रे अयु़डु़ मा मु़चु़मिमलाई मुका घ्रु़बेट्‌पा साखाम नेम्‍सुङका ल्‍वास्‍तु़।


मे घोडामिमकु यु़म मेर्मिमकु सिड्‌डा नुङ मेरडा बाइडा। हेङालोने मेर्मिमकु मेर ब्‍लोमिमकु बुइ होप्‍माम बाइडा, मा मु़चु़मिमकु थो़म्‍बोक ख्‍वाक्‍पा यु़म मेर्मिमनुङ बाइडा।


मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।


Swiv nou:

Piblisite


Piblisite