रेम्‍बेट्‌मिडिम ल्‍वा 9:15 - थुलुङ राई

¹⁵ मेम्‍मा सु फ्‍वाकाम को फ्‍वा मु़चु़मिम सेन्‍मु मेराम थारी, मेराम नेम, मेराम मुनाम मा मेराम थकाम लागि झो़म्‍सिबेन्‍जो़ल्‍मा ब्‍लले पाह्रीचो़मिम डिट्‌मिडी।

रेम्‍बेट्‌मिडिम ल्‍वा 9:15 Referans Kwoze

रेम्‍बेट्‌मिडिम ल्‍वा 9:18

मे घोडामिमकु सिलामका लुक्‍पा मु, कुइकु नुङ गन्‍धककु सेट्‌पा दु़खाका सु फ्‍वाकु को फ्‍वा मु़चु़मिम सेड्‌डु़मी।

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।

रेम्‍बेट्‌मिडिम ल्‍वा 8:9

मेम्‍मा दिरिदिनगोयु़ बाट्‌पा सामनुङमामिमकु सु फ्‍वाकु को फ्‍वा सिम्‍डी, मा कुबी-बोक्‍सामिम सु फ्‍वाकु को फ्‍वा छो़रो़प दु़म्‍मिडी।

रेम्‍बेट्‌मिडिम ल्‍वा 9:10

मेर्मिमकु मेर ने दावाखामका केपा होप्‍मामङा बाइडा। मु़चु़मिमलाई ङो मुनामसम्‍म दु़खा ग्‍वाक्‍पा यु़म मेर्मिमकु मेरडा बाइडा।

रेम्‍बेट्‌मिडिम ल्‍वा 9:5

मेर्मिम मु़चु़मिमलाई सेन्‍थामु ने मेएँ लावो ङो मुनामसम्‍म मेर्मिमकु थो़मतेर्साक्‍पा साखाम मे रु़मिमका रम्‍डी। दावाखामका मु़चु़ केप्‍डु़लो इम्‍मु मेझापा नो़मिम होप्‍माम नो़सी मेर्मिमका ल्‍वाम्‍डी।

रेम्‍बेट्‌मिडिम ल्‍वा 8:8

ननोम पाह्रीचो़का उ भुम डु़प्‍डु़ मा मुका घ्रु़पाम बाट्‌पा डोक्‍पु भ्‍र्‍वा होप्‍माम हाम-हुम पाह्रीचो़का दिरिदिनयु़ घ्रोक्‍तु़। दिरिदिनकु सु फ्‍वाकाम को फ्‍वा सिसि दु़स्‍ता।

रेम्‍बेट्‌मिडिम ल्‍वा 8:10

सुनोम पाह्रीचो़का उ भुम डु़प्‍डु़, मा डोक्‍पु सोरलुङ, वाक्‍पा डो़मार होङङा धामुलामका ब्‍लोकुमिम नुङ कु पुन्‍खोपमिमकाम सु फ्‍वाकु को फ्‍वा गोयु़ आल्‍स्‍ता।

रेम्‍बेट्‌मिडिम ल्‍वा 20:7

को धु़म सङ थ हु मा बड्‌डु़म शैतान पाह्रीचो़का डिडु़,