रेम्‍बेट्‌मिडिम ल्‍वा 9:11 - थुलुङ राई

¹¹ घ्‍लु़म्‍पा पोलु़मचो़ ने मेर्मिमकु हप बाइडा, मेरामकु नङ हिब्रू ल्‍वाडा ‘एबाड्डोन’ मा ग्रीक ल्‍वाडा ‘अप्‍पोलियोन’ सो़।

रेम्‍बेट्‌मिडिम ल्‍वा 9:11 Referans Kwoze

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

यूहन्‍ना 16:11

मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

यूहन्‍ना 8:44

इनीमा पाप शैतान। गानी उमा चो़मिम। इनीमा पापकु न होङङा बोमु गानी न बोनी। मेराम ने सु़म्‍दिमोलो आथामङा मु़चु़ सेट्‌पा बाइडा। मेरामका आच्‍छाङाकाम ल्‍वा हेल्‍लो लोवो मेद्‌वाकु़वा, हेङालोने गुनुङ आच्‍छाङाकाम ल्‍वा वो मिबु। मेरामका लिमा थेडु़लो उ बेसी-दोसी होम्‍साकाङा जे, हेङालोने मेराम लिमाचो़, मा मु़चु़मिमलाई लिमा थेन्‍बेट्‌पा।

१ यूहन्‍ना 5:19

गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

लूका 8:31

मे मुनाङपेलमिमका येशूनुङ आरे र्‍वाम्‍डिम र्‍वाम्‍डिम ङा बेम्‍डी, “गुकुलाई देन्‍दे ग्‍वामु लागि खादीगोयु़ मेथु़र्किनी।”

यूहन्‍ना 5:2

यरूशलेम शहरगोनो भेन्‍दाकु लाम्‍चोको फार्डा दिनकु बाइडा। मेरामकु होनोलाम-आथो़लाम ङोले पिन्‍दी बाइडा, मेरामलाई हिब्रू ल्‍वाडा बेथस्‍दा र्‍वामी।

रेम्‍बेट्‌मिडिम ल्‍वा 16:16

मेम्‍मा मे सुले मुनाङपेलमिमका हपमिमलाई कोले खोमडा खोप्‍मिडी, मेराम खोम हिब्रू ल्‍वाडा आर-मागेड्‍डोन र्‍वामी।