रेम्‍बेट्‌मिडिम ल्‍वा 4:7 - थुलुङ राई

⁷ कोनोम सामनुङमा ने धेन्‍द्रा होङङा बेपा बाइडा, नक्‍नोम सामनुङमा ने बेनो होङङा बेपा बाइडा, सुनोम सामनुङमा ने मु़चु़कु ङाली होङङा बेपा बाइडा, मा ब्‍लनोम सामनुङमा ने हुट्‌पा खिरिजङमा होङङा बेपा बाइडा।

रेम्‍बेट्‌मिडिम ल्‍वा 4:7 Referans Kwoze

रेम्‍बेट्‌मिडिम ल्‍वा 4:6

मे साखाम थो़पा गन्‍खोपकु ङादोडा स्‍फटिक सिसा होप्‍माम छ्‍याङ्‍लो-छ्‍याङ्‍लोम दिरिदिन बाइडा। ङादोडा नुङ चङडा मिक्‍सी-मिक्‍सी बाट्‍पा ब्‍लले सामनुङमामिम मे साखाम थो़पा गन्‍खोपकु होनोलाम-आथो़लाम बाम्‍डी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

रेम्‍बेट्‌मिडिम ल्‍वा 6:3

हाङकोलो मे भेन्‍दाचो़का ननोम छाप पिम्‍डी, मे ननोम सामनुङमाका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:5

मेकोतिमा भेन्‍दाचो़का सुनोम छाप पिम्‍डी मा सुनोम सामनुङमामिमका “बिका” र्‍वाक्‍ताम गो थो़उतो। गो रेप्‍तो मा कोले केकेम घोडा बाइडाम ल्‍वाउतो। मे घोडाडला हुपाकु उ ल्‍वाडा कोले तराजु जेथाड्‌डु़म बाइडा।

रेम्‍बेट्‌मिडिम ल्‍वा 6:7

भेन्‍दाचो़का ब्‍लनोम छाप पिम्‍डी, मा ब्‍लनोम सामनुङमामिमका “बिका” र्‍वाक्‍ताम गो थो़उतो।