रेम्‍बेट्‌मिडिम ल्‍वा 3:3 - थुलुङ राई

³ मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।

रेम्‍बेट्‌मिडिम ल्‍वा 3:3 Referans Kwoze

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

१ थेसलोनिकी 5:2

हेङालोने खुचु़वा सिन्‍था रोमिम होङङा चमवो मेलु़मिमनेम ङाचो़ येशू योमी र्‍वाक्‍पा गानी जो़होमका चनी।

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”

मत्ती 25:13

“मेम्‍मिमका चङचङया बानी वो, हेङालोने मिनीचो़ योक्‍पा नेम लोवो थारी लोवो गानी मेचनी।

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

मर्कूस 13:36

मेएँ ला ने गानी मेचनिम थारीका रोफामा, गानी अम्‍चेट्‍पाङा डार्फानी सो़।

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

२ पत्रुस 3:1

द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।

रेम्‍बेट्‌मिडिम ल्‍वा 3:11

गो दालाङा योङु। गानानुङ बाट्‌पा आच्‍छाङाकाम सीसि जो़होमका जेथाडा। मेम्‍मा इमा मुकुट सु़का वो रोन्‍मु मेचाप्‍सु़नु़।

रेम्‍बेट्‌मिडिम ल्‍वा 2:25

मेम लोवो गानीनुङ बाट्‍पा आच्‍छाङाकाम सीसि गो मेरोक्‍थु़मसम्‍म जेन्‍थाट्‌नी।

२ पत्रुस 1:13

ओ सुबुडा आमा मिरो़मडा बुङुमिमसम्‍म गानीलाई मिम्‍बेन्‍मु लागि फमु जो़पा लु़ङडोम बु।

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

रेम्‍बेट्‌मिडिम ल्‍वा 3:2

ङोसा! गानानुङ बाट्‌पा दाम्‍मु खापा इमा थो़र सोनुङमा दु़म्‍बेडा। हेङालोने आमा माम्‍चु़नीकु ङादोडा गाना बेन्‍सोट्‍नाम इमा खारी गो डार्तोम मिबु।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”