रेम्‍बेट्‌मिडिम ल्‍वा 22:18 - थुलुङ राई

¹⁸ ओराम खाजेमडा बाट्‌पा माम्‍चु़नीलाम जेम्‍मा सिजेममिम थो़पा खोत्‍ले मु़चु़लाई गो ङिमसाट्‌पुमी: कोङनिम मु़चु़का मेर्मिम सिजेमडला कोङनिम ल्‍वा काप्‍डु़ माला ओराम खाजेमडा र्‍वाक्‍मा मु़चु़ सेट्‌पा दु़खा थारीमिम माम्‍चु़नीका मेराम मु़चु़डला काम्‍सामी।

रेम्‍बेट्‌मिडिम ल्‍वा 22:18 Referans Kwoze

रेम्‍बेट्‌मिडिम ल्‍वा 1:3

ओम्‍लो नुङ दिफु दु़म्‍पा ल्‍वाकु दुथाम जेम्‍मा ओराम सिजेम उहेम मु़चु़का डाडु़ मेरामलाई माम्‍चु़नीका जि-वा ग्‍वामी। मेम्‍मा ओराम सिजेम सु़का थो़सु़ मा ओराम सिजेमका र्‍वामिम होङङा बु़, मेरामलाई गुमीका जि-वा ग्‍वामी, हेङालोने ओर्मिम खोत्‍ले दु़म्‍पा थारी रोम्‍फामु खाप्‍डु़म बु।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

मत्ती 15:13

लावो येशूका र्‍वाम्‍डी, “कोङनिमका मेख्‍लियु़वाम विरुवा बुलु़मिम होङङा, उनीमा साखाम मान्‍थिका सीमिमिम मु़चु़मिमकु सीसिलाई पाह्रीलाम आमा पापका हाम ना हामकाम दु़म्‍बेन्‍मी।

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

रेम्‍बेट्‌मिडिम ल्‍वा 15:6

येतले पाह्रीचो़मिमका येतले दु़खामिम जेन्‍थाम्‍डिमा मे सो़रनेमलामका पाखा लुम्‍डी। मेर्मिमका छेको-छेकोम नुङ झ्‍वाक्‍पा ये फम्‍तासिम्‍डी मा उनी धक्‍चीधाली सो़नाकु फिता बन्‍थाम्‍डी।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”

रेम्‍बेट्‌मिडिम ल्‍वा 22:10

मेम्‍मा गुका आरे बेङ्‌डी, “ओराम खाजेमडा बाट्‌पा माम्‍चु़नीलाम जेम्‍मा सिजेममिमडला छाप मेओप्‍डा, हेङालोने थारी रोक्‍फाड्‌डाम बु।