रेम्‍बेट्‌मिडिम ल्‍वा 22:17 - थुलुङ राई

¹⁷ माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

रेम्‍बेट्‌मिडिम ल्‍वा 22:17 Referans Kwoze

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

यूहन्‍ना 7:37

चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

रेम्‍बेट्‌मिडिम ल्‍वा 21:9

मेम्‍मा मु़चु़ सेट्‌पा चङडाम येतले दु़खा थारीमिमका देम्‍पा येतले कान्‍चु़रेमिम जेथाक्‍पा येतले पाह्रीचो़मिमगोडाम कोलेका रोक्‍ता मा गोनुङ आरे र्‍वाक्‍ता, “बिका, गो गानालाई भेन्‍दाचो़कु नाइमे, लारेमा रेम्‍बेनी।”

रेम्‍बेट्‌मिडिम ल्‍वा 21:2

सेपा शहर, लाले यरूशलेम पाह्रीलामका माम्‍चु़नीलाम योक्‍तोङा बेपा गो ल्वाउतो, मेराम शहर वोचु़काम लागि ब्‍ल्‍वासाका झो़म्‍सिबेट्‌मा लारेमा होप्‍माम बाइडा।

रोमी 3:24

लावो माम्‍चु़नी न-थो़मनुङमा बुमी मा उनीमा दिदामलामका मु़चु़मिमलाई ख्रीष्‍ट येशूडा मुमा मान्‍थिम नुङ जो़पा न-गोकाम दु़म्‍बेट्‌मिडी। हेङालोने खोत्‍ले मु़चु़का ल्‍वामु बासिक्‍पा देन्‍दे येशू ख्रीष्‍ट उनी त्‍वाका ल्‍वाम्‍डिमा छु़ललाम वाङ बेसाड्‍डामिम बु।

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

१ कोरिन्थी 2:12

गुइ सु़म्‍दिसेरडाम पेल ल्‍वास्‍तिम मेएँ, लावो माम्‍चु़नीका गुइलाई ग्‍वाक्‍साड्‌डामिम खोत्ले ल्‍वा थेसिथेडिनु़ र्‍वाक्‍साका माम्‍चु़नीलाममिम पेल ल्‍वास्‍तिम बु।

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

यूहन्‍ना 4:11

मेराम मेसेमका गुमीनुङ र्‍वाक्‍ता, “ङाचो़, गानीनुङ कु वाम्‍खोप सोजाम वो मिबु, मा इनार वो हापा घ्‍लु़म्‍पा बु। बालामका गानी त्‍वारो़म ग्‍वाक्‍पा कु रेट्‌निवा?

रेम्‍बेट्‌मिडिम ल्‍वा 7:17

हेङालोने मे हप गन्‍खोपकु थेतेडा बाट्‌पा भेन्‍दाचो़ मेर्मिमकु रेपा-क्रिपा दु़म्‍मी, गुमीका मेर्मिमलाई नु़बेट्‌पा कु पुन्‍खोपथो़ क्रिमी। मेम्‍मा माम्‍चु़नीका मेर्मिमकु मिक्‍सीडाम खोत्‍ले प्‍ल बम्‍साट्‌मी’।”

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

यूहन्‍ना 1:37

गुका आरे र्‍वाक्‍ताम ल्‍वा मे सीसिपाचिपका थो़च्‍चिमा येशूकु चङचङ लक्‍ची।