रेम्‍बेट्‌मिडिम ल्‍वा 22:15 - थुलुङ राई

¹⁵ मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

रेम्‍बेट्‌मिडिम ल्‍वा 22:15 Referans Kwoze

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

फिलिप्‍पी 3:2

मेजो़पा खारी बेपामिम, मा सेल्सिमु लागि मिरो़मडा कोक्‍ते क्रिम्मु बासी र्‍वाक्‍पा ख्‍लेबामिमडाम चङचङया बानी वो!

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

कलस्‍सी 3:6

आरेप्‍माम मेजो़पा खारीका माम्‍चु़नीका र्‍वामिमिम मेथो़पामिमडला गुमीका छो़म डोक्‍पु छोक्‍चो रेम्‍बोमी।

रेम्‍बेट्‌मिडिम ल्‍वा 18:23

धिप्‍रीकु ओल इमाडा हेल्‍लो वो मेझ्‍वा। लारेमा नुङ लारेपाकु लो़लाम इमाडा हेल्‍लो वो मेथो़सीमिम दु़म। इमा सामान भ्रेपा-भ्रेट्‌पामिम सु़म्‍दिसेरडा खोत्‍लेडाम डोक्‍पु मु़चु़मिम बाम्‍डी। इमा जादुका खोत्‍ले सामामिम ताङताहेरथो़ लम्‍डिम बु।

थु़र्मा 8:11

मेरामका र्‍वाक्‍ताम मेर्मिमका थो़म्‍थाल्‍मिडी, हेङालोने हापा ङादो आथामङा मेरामका उ जादुलामका मु़चु़मिमलाई ङाङाया बु़डु़मिम बाइडा।

मत्ती 8:12

लावो माम्‍चु़नीकु किब्‍दीडा हुमु बासिक्‍पा इस्राएलीमिम ने तुकुम्‍चिमगोडा घ्रोला सो़म्‍सिमी। मेगोडा मु़चु़मिम उनी लि ख्रेत्तो ख्राम्‍मी।”

यूहन्‍ना 8:46

गो छु़ल बेउतोम बु र्‍वाक्‍पा गानीगोडाम सु़का रेम्‍बोमु चाप्‍सु़? गो आच्‍छाङाकाम ल्‍वा जेङुमिम बुङु, हेङा गानी गोलाई थो़र मेलु़निमिम?

मत्ती 7:6

“सेपा थोकमिम ख्‍लेबामिमलाई मेग्‍वाक्‍नी, मेएँ माला ने मेर्मिमका गानीलाई घ्रमु माल्‍निमी। हापा थिकाम दिरिल्यमिम ब्‍वामिमकु ङादोडा मेफोट्‍नी, मेर्मिमका मेरामलाई देम्मिमा हाम ना हामकाम बनेबोमी।”

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।