रेम्‍बेट्‌मिडिम ल्‍वा 22:14 - थुलुङ राई

¹⁴ “त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 22:14 Referans Kwoze

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

१ यूहन्‍ना 5:3

माम्‍चु़नीलाई रिखाम बोमु र्‍वाक्‍मा गुमीका बेबेसाड्‌डामिम होङङा बोमु मा गुमीका बेबेसाड्‌डामिम ल्‍वा बोमु मेझापा मिबु।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

रेम्‍बेट्‌मिडिम ल्‍वा 22:2

मे शहरकु डोक्‍पु लाम्‍दीकाम थेतेभाल ओन्‍पा बाइडा। ब्‍लोकुकु होनोलाममिम फार नुङ आथो़लाममिम फारडा त्‍वारो़म ग्‍वाक्‍पा धक्‍सामिम बाम्‍डी। मेर्मिमकाम को थका को-न खेप मा सिथाल्‍लु़, हेङालोने मुनाम-मुनामका को-न खालकाम मा सिथाल्‍लु़। मेम्‍मा मे धक्‍साकु ब्‍लाममिमका ने मु़चु़मिम सबेडु़मी।

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।

यूहन्‍ना 10:9

हुखोप लाम्‍चोको गोङा सो़, उहेम मु़चु़ गोलामका गोनो हु मेराम सेल्‍सी। नेमगो-पाखा हुपा लुक्‍पा बु़ मा जाखोप ल्‍वासु़।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

रेम्‍बेट्‌मिडिम ल्‍वा 21:12

मेराम शहरकाम को-न लाम्‍चोकोनुङमा डोक्‍पु नुङ येप्‍पा ब्रोलुङ बाइडा मा मे को-न लाम्‍चोकोमिमडा को-न पाह्रीचो़मिम बाम्‍डी। मे लाम्‍चोकोमिमडा इस्राएलकु को-न दोचो़मिमकु नङ र्‍याक्‍मा बाइडा।

१ कोरिन्थी 9:5

हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

१ कोरिन्थी 8:9

लावो चङचङया बानी वो, गानी वाङ दु़म्‍निमका याक्‍के थो़रनुङमा इनी ङोप्‍सो़मिमलाई छु़ल मेबेबेडु़मिनु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 4:12

हाम गानी इकीमा बेब-पाप याकूबडाम वो डोक्‍पु? गुका इनार धासाक्‍तिकी। मेम्‍मा गु उ चो़-चु़सु़मिमका नुङ उ हादी-बारामिमका ओराम इनारडामङा कु डुम्‍डिम बाइडा।”