रेम्‍बेट्‌मिडिम ल्‍वा 22:13 - थुलुङ राई

¹³ अल्‍फा नुङ ओमेगा, ङादोम नुङ चङनोम, चो़म्‍पा नुङ हुक्‍पा गोङा।

रेम्‍बेट्‌मिडिम ल्‍वा 22:13 Referans Kwoze

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 1:17

गो गुमीलाई ल्‍वाउतो मा आमा सामङा लक्‍पा होङङा दु़म्‍ङोडोमा उनीमा खेल फारयु़ कुम्‍सिङ्‌डो। मेम्‍मा गोडला गुमीका उनीमा जो़प ल्‍वा जु़ल्‍मिडिमा र्‍वाम्‍डी, “मेङिसा, हुम-द नुङ चो़म-द गोङा सो़।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

यूहन्‍ना 13:32

माम्‍चु़नीकु यु़म मिनीचो़लामका झ्‍वासी माला मिनीचो़कु यु़म गुमीलामका झ्‍वाबेन्‍मी, मा दालाङा उमा यु़म झ्‍वाबेन्‍मी।