रेम्‍बेट्‌मिडिम ल्‍वा 21:27 - थुलुङ राई

²⁷ घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

रेम्‍बेट्‌मिडिम ल्‍वा 21:27 Referans Kwoze

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 3:5

उहेम मु़चु़का मेजो़पाडला घ्‍ल्‍वा, मेरामलाई गो आरेसाकाङा बुबुयाम ये-सेम फसिबेट्‌पु, मा त्‍वारो़मकु खाजेमडा र्‍याक्‍मा मेरामकु नङ गो मेपारु। आमा पाप नुङ उनीमा पाह्रीचो़मिमकु ङादोडा गो मेराम मु़चु़लाई छेपु र्‍वाङु।

मत्ती 13:41

मिनीचो़का उ पाह्रीचो़मिमलाई थु़र्सु़मी, मा छु़ल बेबेट्‌पामिम नुङ खोत्‍ले रु़चो़मिमलाई मेर्मिमका उ किब्‍दीलामका ख्‍लुम्‍सोमी।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

फिलिप्‍पी 4:3

थो़रलु़इमिम ङोप्‍सो़, ओर्चिप मेसेमलाई दु़मु ख्‍लो़याची र्‍वाक्‍साका गो गानालाई छो़म र्‍वाङु, हेङालोने जो़पा-सेला थो़बेन्‍मुडा ओर्चिपका गोनुङ मेझापातो खारीमिम बेच्‍चिम बु। ओर्चिपका क्‍लेमेसनुङ दु़म्‍साका मा गोनुङ खारी बेपा वाङमिम, उहेममिमकु नङ त्‍वारो़मकु खाजेमडा र्‍यास्‍ताम बु, मेर्मिमनुङ दु़म्‍साका वो खारी बेच्‍चिम बु।

मर्कूस 7:2

येशूकु कोङ-कोङ सीसिपामिमका, मेसेपा ल्‍वाका, मेराम र्‍वाक्‍मा ल्‍वा मेसो़ल्‍साका ङा पेम्‍डिम मेर्मिमका ल्‍वाम्‍डी।

लूका 10:20

मेमङा लावो मुनाङपेलमिमका गानी र्‍वानिमिम थो़मी र्‍वाक्‍साका गानी मेगेर्सिट्‌नी। लावो इनीमा नङ पाह्रीला र्‍यास्ताम बु र्‍वाक्‍साका गेर्सिट्‌नी।”

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

२ पत्रुस 3:13

लावो गुमीका गुइनुङ याचे जेम्‍डिम होङङा लाले पाह्री नुङ लाले सुबु लडी, मेसिन्‍डा खोत्‍ले माम्‍चु़नीकु न होप्‍माम दु़म।