रेम्‍बेट्‌मिडिम ल्‍वा 21:14 - थुलुङ राई

¹⁴ मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।

रेम्‍बेट्‌मिडिम ल्‍वा 21:14 Referans Kwoze

हिब्रू 11:10

हेङालोने अब्राहामका ने माम्‍चु़नी उनी त्‍वाकु नड्‍डा मिम्‍साका बनेबोमिमिम हेल्‍लो लोवो दु़म्‍पाम बाट्‍पा फारनुङमा शहर गुका लथाड्‌डु़म बाइडा।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

मत्ती 16:18

गो गानालाई र्‍वाङु, गाना पत्रुस सो़। ओराम लुङडला आमा मण्‍डली गो बनेबेउ, मा शैतानकाङा वो ओरामलाई घ्‍ल्‍वामु मेचाप्‍सु़।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

थु़र्मा 1:26

मेम्मा मेर्चिपकु नङडा चिठ्ठा ओप्‍मिडी, मा मतियासकु नङडा दु़स्‍ता, मा मेराम को-कोङ (११) थु़र्मामिमनुङ काम्‍सिड्‌डा।

रेम्‍बेट्‌मिडिम ल्‍वा 21:13

नेम्‍सुङ ओपाथो़ सुले, नेम्‍सुङ गाम्पाथो़म सुले, जेजु़थो़ सुले, नुङ रायलाथो़ सुले लाम्‍चोकोमिम बाम्‍डी।