रेम्‍बेट्‌मिडिम ल्‍वा 21:1 - थुलुङ राई

¹ मेम्‍मा लाले सुबु नुङ लाले पाह्री गो ल्वाउतो, हेङालोने ङादोम सुबु नुङ ङादोम पाह्री दाम्‍स्‍ल्‍याड्‌डाम बाइडा मा दिरिदिन वो मेबायावा।

रेम्‍बेट्‌मिडिम ल्‍वा 21:1 Referans Kwoze

२ पत्रुस 3:13

लावो गुमीका गुइनुङ याचे जेम्‍डिम होङङा लाले पाह्री नुङ लाले सुबु लडी, मेसिन्‍डा खोत्‍ले माम्‍चु़नीकु न होप्‍माम दु़म।

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 13:1

मेम्‍मा दिरिदिनलामका कोले हादीबारा लुक्‍ताम गो ल्‍वाउतो। मेरामकाम को धु़म रङमिम नुङ येतले बुइमिम बाइडा। मेरामकु रङमिमडला को धु़म मुकुटमिम बाइडा, मा मेरामकु खोत्‍ले बुइडला माम्‍चु़नीलाई डक्‍पा नङ बाइडा।

रोमी 8:21

प्रङसिट्‍पामिम पुयु़लुक्‍सीडाम वाङ दु़म्‍साका माम्‍चु़नीकाम चो़-चु़सु़मिमनुङ वाङ दु़म्‍सीडा कोले दु़म्‍मी।

रेम्‍बेट्‌मिडिम ल्‍वा 6:14

धामु ने भेन्‍दाकु कोक्‍ते खाजेम दिल्‍सीमिम होङङा दाम्‍स्‍ता, मेम्‍मा खोत्‍ले पोप्‍चङ नुङ टापुमिम त्‍वाकु बाखोपलामका वाङथो़ङा लम्‍डी।