रेम्‍बेट्‌मिडिम ल्‍वा 20:14 - थुलुङ राई

¹⁴ मेम्‍मा सिमु नुङ खादी मुकु भुल्‍मु गोडा छाघ्रोसिक्‍ची। मे मुकु भुल्‍मु ननोम सिमु सो़।

रेम्‍बेट्‌मिडिम ल्‍वा 20:14 Referans Kwoze

१ कोरिन्थी 15:26

ख्रीष्‍टका खोत्‍लेडाम चङडा पुयु़लुबेन्‍मिमिम स्‍वाक्‍चिमो ने सिमुलाम सो़।

रेम्‍बेट्‌मिडिम ल्‍वा 20:6

सिमुलाम ङादोम बग्‍गेसीडा बक्‍पामिम आलाकाम नुङ सेपामिम सो़। ननोम सिमुलामकाम हाम वो यु़म मेर्मिमडला मेदु़म, लावो मेर्मिम माम्‍चु़नी नुङ ख्रीष्‍टकु डु़म्‍लाचो़ दु़म्‍मी मा मेर्मिमका ख्रीष्‍टनुङ को धु़म सङ थ साखाम थो़मी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

रेम्‍बेट्‌मिडिम ल्‍वा 20:13

दिरिदिनका मेसिन्‍डा सिपामिमलाई ख्‍लोक्‍सोकु़। सिमु नुङ खादीका वो मेर्चिपकाडा बाट्‍पा सिपामिमलाई ख्‍लोक्‍सोक्‍तु़मी। मेम्‍मा मेर्मिमका हाम बेम्‍डिम मेराम होम्‍साका मेर्मिमकु निया दु़स्‍ता।

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

१ कोरिन्थी 15:53

हेङालोने इकीमा मिरो़म सिल्‍या मा झिम, मा ओराम हेल्‍लो लोवो दु़म्‍पाम बाट्‍पा मा मेझिपा मिरो़मडा ख्‍लोम्‍सिमु बासी।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 2:11

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेम मु़चु़ घ्‍ल्‍वा, मेराम आथावो चङडा सिमु मेबासी।

रेम्‍बेट्‌मिडिम ल्‍वा 6:8

ख्‍लाख्‍लाया बेपा कोले घोडा ल्‍वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्‍दिबाल्‍ला। मेम्‍मा सुबुडाम खोत्‍ले मु़चु़मिमकु ब्‍ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्‌पा सो़प्‍दीडाम हादी-बारामिमलामका सेन्‍मु साखाम मेर्चिपका ल्‍वाच्‍ची।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।