रेम्‍बेट्‌मिडिम ल्‍वा 20:13 - थुलुङ राई

¹³ दिरिदिनका मेसिन्‍डा सिपामिमलाई ख्‍लोक्‍सोकु़। सिमु नुङ खादीका वो मेर्चिपकाडा बाट्‍पा सिपामिमलाई ख्‍लोक्‍सोक्‍तु़मी। मेम्‍मा मेर्मिमका हाम बेम्‍डिम मेराम होम्‍साका मेर्मिमकु निया दु़स्‍ता।

रेम्‍बेट्‌मिडिम ल्‍वा 20:13 Referans Kwoze

रेम्‍बेट्‌मिडिम ल्‍वा 6:8

ख्‍लाख्‍लाया बेपा कोले घोडा ल्‍वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्‍दिबाल्‍ला। मेम्‍मा सुबुडाम खोत्‍ले मु़चु़मिमकु ब्‍ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्‌पा सो़प्‍दीडाम हादी-बारामिमलामका सेन्‍मु साखाम मेर्चिपका ल्‍वाच्‍ची।

रेम्‍बेट्‌मिडिम ल्‍वा 20:14

मेम्‍मा सिमु नुङ खादी मुकु भुल्‍मु गोडा छाघ्रोसिक्‍ची। मे मुकु भुल्‍मु ननोम सिमु सो़।

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

मत्ती 11:23

ए कफर्नहुम शहरडाम मु़चु़नी, हाम गानी पाह्रीथो़ कोसिन्‍कु र्‍वाक्‍पा मिम्‍नी? गानी ने खादीगोयु़ डन्‍सिनी। हेङालोने गानीगोडा बेउतोम यु़मखारीमिम सदोम शहरडाम मेजो़पा मु़चु़मिमगोडा बेउवा माला मेर्मिम ओम्‍लोसम्‍म वो दु़म्‍मिवा।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

१ कोरिन्थी 15:26

ख्रीष्‍टका खोत्‍लेडाम चङडा पुयु़लुबेन्‍मिमिम स्‍वाक्‍चिमो ने सिमुलाम सो़।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”