रेम्‍बेट्‌मिडिम ल्‍वा 2:8 - थुलुङ राई

⁸ “स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 2:8 Referans Kwoze

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

रोमी 14:9

सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।

रेम्‍बेट्‌मिडिम ल्‍वा 22:13

अल्‍फा नुङ ओमेगा, ङादोम नुङ चङनोम, चो़म्‍पा नुङ हुक्‍पा गोङा।