रेम्‍बेट्‌मिडिम ल्‍वा 2:7 - थुलुङ राई

⁷ उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 2:7 Referans Kwoze

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

रेम्‍बेट्‌मिडिम ल्‍वा 2:11

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेम मु़चु़ घ्‍ल्‍वा, मेराम आथावो चङडा सिमु मेबासी।

मत्ती 11:15

उहेमकाम थो़पा नोफ्‍ला बु, मेरामका थो़सु़नु़, मा थेसिथेट्‌नु़।

रेम्‍बेट्‌मिडिम ल्‍वा 13:9

उहेमकाम नोफ्‍ला बु मेरामका थो़सु़नु़–

मत्ती 13:43

माम्‍चु़नीकु न-गो होप्‍माम मु़चु़मिम उनी माम्‍चु़नी पापकु किब्‍दीगोडा नेप्‍सुङ होङङा झ्‍वामी। उहेमकाम नोफ्‍ला बु, मेरामका थो़सु़नु़मा थेसिथेट्‌नु़।

मत्ती 13:9

उहेमकाम नोफ्‍ला बु, मेरामका जो़होमका थो़सु़नु़मा थेसिथेट्‌नु़।”

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

लूका 23:43

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, आनेप ङा गाना गोनुङ पाह्रीला दु़म्‍ना।”

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

मर्कूस 7:15

पाखालाम मु़चु़कु गोनो हुसाका गुलाई मेसेपा दु़म्‍बेट्‌पा हाम वो मिबु, लावो मु़चु़लामका पाखानो लुक्‍पामिमकाङा गुलाई मेसेपा दु़म्‍बेडु़।

रेम्‍बेट्‌मिडिम ल्‍वा 22:2

मे शहरकु डोक्‍पु लाम्‍दीकाम थेतेभाल ओन्‍पा बाइडा। ब्‍लोकुकु होनोलाममिम फार नुङ आथो़लाममिम फारडा त्‍वारो़म ग्‍वाक्‍पा धक्‍सामिम बाम्‍डी। मेर्मिमकाम को थका को-न खेप मा सिथाल्‍लु़, हेङालोने मुनाम-मुनामका को-न खालकाम मा सिथाल्‍लु़। मेम्‍मा मे धक्‍साकु ब्‍लाममिमका ने मु़चु़मिम सबेडु़मी।

१ कोरिन्थी 2:10

लावो माम्‍चु़नीका ओर्मिम ल्‍वा उनी पेललामका इकीमाडा रेम्‍बेम्‍डिम बु। माम्‍चु़नी-पेलका खोत्‍ले ल्‍वा माल्‍मी, मा माम्‍चु़नीकु गोनोम थेसिथेन्‍मु मेझापा ल्‍वा वो रेम्बोमी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

२ कोरिन्‍थी 12:4

गुलाई माम्‍चु़नीका पाह्रीला कोम्‍डिमा मेसिन्‍डा मु़चु़कु सिका र्‍वामुङा मेचापा नुङ मु़चु़का सो़सी मेनु़पा ल्‍वा गुका थो़स्‍तु़।

रेम्‍बेट्‌मिडिम ल्‍वा 15:2

मुनुङ ङोल्‍सिक्‍पा सिसाकु दिरिदिन होप्‍माम गो ल्वाउतो। हादीबारा नुङ उ ङाटाडला मा उ नङकु सेर्सीडला घ्‍ल्‍वापामिम मे दिरिदिनडा येम्‍तासिट्‌मिडी। माम्‍चु़नीका ग्‍वाम्‍डिम कामसोरमिम मेर्मिमका जेन्‍थाम्‍डी।

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

मर्कूस 4:9

मेकोतिमा येशूका मेर्मिमलाई र्‍वाम्‍डी, “उहेमकाम थो़पा नोफ्‍ला बु, मेरामका थो़सु़नु़।”

लूका 8:8

लावो याङ भ्रल ने जो़पा क्‍वाडला झुस्‍ता, मा ल्‍यास्‍तामा को सङ (१००) डाम वो हापा मा सिड्‌डु़।” आकोति र्‍वाम्‍डिमा गुमीका डोक्‍पु लो़लामका र्‍वाम्‍डी, “सु़काम थो़पा नोफ्‍ला बु मेरामका थो़स्‍नु़मा थेसिथेट्‌नु़।”

१ यूहन्‍ना 2:13

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्‌पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने शैतानडला गानी घ्‍ल्‍वान्‍निम बु। द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने इकीमा माम्‍चु़नी पापलाई गानी छेट्‌निम बु।

मर्कूस 7:16

उहेमकाम थो़मु न बु, मेरामका थो़सु़नु़।”