रेम्‍बेट्‌मिडिम ल्‍वा 19:20 - थुलुङ राई

²⁰ लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

रेम्‍बेट्‌मिडिम ल्‍वा 19:20 Referans Kwoze

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 17:12

“गाना ल्‍वान्‍नामिम मे को धु़म रङमिम ने को धु़म हपमिम सो़, मेर्मिमका आथावो साखाम थो़मु चो़म्‍मिडिम मिबु। लावो मेर्मिमका कति धु़पा थारीकाम लागि मे हादीबारानुङमा साखाम थो़पा यु़म ल्‍वामी।

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

रेम्‍बेट्‌मिडिम ल्‍वा 19:19

मेम्‍मा मे बुबुयाम घोडाडला हुपा नुङ उनी सेनामिमडला क्‍वाल्‍बा बोमु मे हादीबारा नुङ सु़म्‍दिसेरडाम हपमिम मा मेर्मिमकु सेनामिम कोदेप खोम्‍सिम्‍डिम गो ल्वाउतो।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

रेम्‍बेट्‌मिडिम ल्‍वा 9:17

आमा मिक्‍सीलामडा गो ल्‍वाउतोम घोडामिम नुङ मेडला हुपामिम आरेप्‍माम बाम्‍डी: मेर्मिमकु धक्‍चीख्रेममिम मु होप्‍माम लालाम, मामासे मणि होप्‍माम मा गन्‍धक होप्‍माम ओम ओमयाम बाइडा। मे घोडामिमकु बुइ धेन्‍द्रामिमकु बुइ होङङा बेपा बाइडा, मा मेर्मिमकु सिलामका मु, कुइकु नुङ गन्‍धक लुक्‍ताम बाइडा।