रेम्‍बेट्‌मिडिम ल्‍वा 19:14 - थुलुङ राई

¹⁴ पाह्रीलाम सेनामिम उनीमा चङचङ लाम्‍दिम्‍डी। मेर्मिम घोडामिमडला बाम्‍डी। मेर्मिमका जो़पा, छेको-छेकोम, झ्‍वाक्‍पा नु़या-नु़याम ये-सेम फम्‍तासिम्‍डी।

रेम्‍बेट्‌मिडिम ल्‍वा 19:14 Referans Kwoze

रेम्‍बेट्‌मिडिम ल्‍वा 19:8

माम्‍चु़नीका मे लारेमालाई जो़पा, छेको-छेकोम, झ्‍वाक्‍पा नो़ला नो़लाम ये-सेम फम्‍सिमु ग्‍वाम्‍डी।”

यहूदा 1:14

आदमडाम येतले पुस्‍ताडाम हनोकका वो माम्‍चु़नीलाम-जेस्‍ताम बाइडा। गुका र्‍वाक्‍ता, “रेप्‍नी, ङाचो़ छो़म सेर्पा सेपा उनी पाह्रीचो़मिमनुङ योक्‍तोङा लेन्‍मी,

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

मत्ती 28:3

मेरामकु ङाली ब्‍ल्‍याक्‍ची होङङा वाक्‍ता, मा उ ये फोमु होप्‍माम बुबुयाम बाइडा।

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।

रेम्‍बेट्‌मिडिम ल्‍वा 14:20

शहरकु पाखालाम अङ्‍गूर देम्‍साका खाल्‍पा खोमडा मे अङ्‍गूरमिम खाल्‍सिम्‍डी, मा मे अङ्‍गूर खाल्‍पा खोमलामका सिसि हास्‍तामा लुक्‍ता। मे सिसि घोडाकु लगाम घ्‍लु़म्‍पा मा सु सङ किलोमिटर कोकोनोसम्‍म रोक्‍थिड्‌डाम बाइडा।

रेम्‍बेट्‌मिडिम ल्‍वा 14:1

मेकोतिमा गो रेप्‍तो, मा आमा ङादोनो सियोन पोप्‍चङडला भेन्‍दाचो़ येम्‍तासिट्‌मिडिम बाइडा, मा गुमीनुङ को-ब्ल सङसङ ब्ल धु़मसङ मु़चु़मिम बाम्‍डी। मेर्मिमकु कुप्‍पीडा उनीमा नङ नुङ उनीमा पापकु नङ र्‍याक्‍मा बाइडा।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

मत्ती 26:53

ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

मत्ती 21:5

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”