रेम्‍बेट्‌मिडिम ल्‍वा 18:20 - थुलुङ राई

²⁰ ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 18:20 Referans Kwoze

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”

रेम्‍बेट्‌मिडिम ल्‍वा 12:12

मेम्‍मिमका पाह्रीला नुङ मेला बाट्‌पामिम भ्रन्‍सिट्‌नी। लावो सुबु नुङ दिरिदिनडा बाट्‍पामिम ने हाउरेमा! हेङालोने उमा थारी कति दु़पा बु र्‍वाक्‍पा चक्‍साका मुनाङमिमकु ङाउ छो़म उ छोक्‍चोनुङमा इनीमायु़ योक्‍ताम बु।”

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

रेम्‍बेट्‌मिडिम ल्‍वा 18:6

वाङमिमलाई मेरामका बु़डु़मिम होङङा मेरामलाई बेनी, मेरामका बु़डु़म मेजो़पा खारीकाम लागि नक गुणा हापा देन्‍दे ग्‍वाक्‍नी। मेरामका वाङमिमकाम लागि बनेबु़डु़म डु़-ग्‍वालडाम नक गुणा हापा डुमु मेझापा डु़-ग्‍वाल ग्‍वाक्‍नी।