रेम्‍बेट्‌मिडिम ल्‍वा 18:19 - थुलुङ राई

¹⁹ मेम्‍मा मेर्मिमका उनी बुइडला फुर्कु फिमी मा आरे र्‍वाक्‍तो ख्राम्‍मी मा येमी-दुमी, “गाना डोक्‍पु शहर, हाउरेमा, हाउरेमा! दिरिदिनडा लाम्‍दिपा जहाजडा बाट्‌पा खोत्‍ले मु़चु़मिम ओरामलामका खाप्‍चीचो़ दु़म्‍मिडी। घरिकोङकाङा ओराम छो़रो़प दु़स्‍ता।

रेम्‍बेट्‌मिडिम ल्‍वा 18:19 Referans Kwoze

रेम्‍बेट्‌मिडिम ल्‍वा 18:10

मेराम शहरकु दु़खाका मेर्मिम ङिमिमा होनोवा येम्‍सिप्‍मिमा आरे र्‍वाक्‍तो येमी: “डोक्‍पु शहर गाना बेबिलोन, यु़मनुङमा शहर, गाना ने हाउरेमा, हाउरेमा! घरिकोङकाङा गाना पुयु़लुक्‍पा थारी रोक्‍ल्‍याड्‌डा।”

रेम्‍बेट्‌मिडिम ल्‍वा 18:3

हेङालोने खोत्‍ले सामामिम डु़का सेट्‌पा होङङा मेरामकु नाम्‍सु़रु़ बेसीका सेड्‍डु़मिम बु। सु़म्‍दिसेरडाम हपमिमका गुनुङ नाम्‍सु़रु़ बेम्‍डिम बु, मा मेरामकु छो़म रारी बेपा नका सु़म्‍दिसेरडाम भ्रेपा-भ्रेट्‌पामिम खाप्‍चीचो़ दु़म्‍मिडिम बु।”

रेम्‍बेट्‌मिडिम ल्‍वा 18:8

मेम्‍मिमका सेट्‌पा ओर्मिम दु़खामिम गुडला कोलेमका रोमी: सिमुलाम, येसी-दुक्‍सी नुङ मा-के हुक्‍पा दु़खा। मुका गु छो़रो़प दु़म, हेङालोने उमा निया बेपा मिप्रङमा माम्‍चु़नी यु़मनुङमा बुमी।”

रेम्‍बेट्‌मिडिम ल्‍वा 17:16

गाना ल्‍वान्‍नाम मे को धु़म रङमिम नुङ हादीबाराका मे छो़लो़मालाई मेद्‌वामी। मेर्मिमका मेराम मेसेमकु खाप्‍चीमिम लम्‍सामी मा खालिन्‍ते बनेबोमी, मेर्मिमका मेरामकु सो़ पोमी, मा मुड्‌डा चाम्‍सोप्‍मी।