रेम्‍बेट्‌मिडिम ल्‍वा 18:15 - थुलुङ राई

¹⁵ ओर्मिम सामान भ्रेट्‌पामिमका मेराम शहरलामका खाप्‍ची डु़प्‍मिडिम बाइडा, मेर्मिमका उ दु़खा ल्‍वासाका ङिमिमा होनोवा येम्‍सिमी मा आरे र्‍वाक्‍तो मेर्मिम ख्राम्‍मी मा येमी-दुमी:

रेम्‍बेट्‌मिडिम ल्‍वा 18:15 Referans Kwoze

रेम्‍बेट्‌मिडिम ल्‍वा 18:3

हेङालोने खोत्‍ले सामामिम डु़का सेट्‌पा होङङा मेरामकु नाम्‍सु़रु़ बेसीका सेड्‍डु़मिम बु। सु़म्‍दिसेरडाम हपमिमका गुनुङ नाम्‍सु़रु़ बेम्‍डिम बु, मा मेरामकु छो़म रारी बेपा नका सु़म्‍दिसेरडाम भ्रेपा-भ्रेट्‌पामिम खाप्‍चीचो़ दु़म्‍मिडिम बु।”

थु़र्मा 16:19

मेराम डु़ल्‍चो़मेकु नेमहपमिमका खउलुङ डु़पा लाम्‍दी हुक्‍ता र्‍वाक्‍पा चम्‍डी। मेम्‍मा पावल नुङ सिलासलाई चु़म्‍साका बजारडाम साखामचो़मिमकाडा थु़त्तो लम्‍डी।

मर्कूस 11:17

मेकोतिमा गुमीका सीत्तोङा र्‍वाम्‍डी, “हाम आरेप्‍माम र्‍याक्‍मा मिबु मा, ‘आमा नेम खोत्‍ले मिनीसामामिमका सो़म्‍दी बेखोप नेम र्‍वाक्‍साका छेमी।’ लावो गानी ने खुचु़वामिम बाखोप बुड्‌खुम डे बनेन्‍निम बु।”

रेम्‍बेट्‌मिडिम ल्‍वा 18:12

मेर्मिमका रेट्‌मिडिम सो़ना, मतो, सोरलुङ नुङ दिरिल्‍यमिम, जो़पा खाबाकु ये-सेम, बैजनी रङकाम ये-सेम, रेशमकाम ये-सेम नुङ झ्‍वाक्‍पा लालाम ये-सेम, भ्रपा नेम्‍पा सङकाम खोत्‍ले खालकाम सामान नुङ हात्तीकु लिकाम खोत्‍ले खालकाम सोजाममिम, हापा थिकाम सङ, बुलु, सेल नुङ जो़पा लुङ सु़का वो मेभ्रेमी।

रेम्‍बेट्‌मिडिम ल्‍वा 18:13

पाताराङगी, मसला, धूप, मूर्र, हापा थिकाम धूप, अङ्‍गूरकु बिलाम, जैतूनकु तेल, जो़पा फुल, जेप्‍सेर, पितु-मु़सु़मिम, भेन्‍दामिम, घोडामिम, रथमिम, डु़ल्‍चो़ दु़म्‍मु भ्रेन्‍मिमिम मु़चु़मिम वो सु़का वो मेभ्रेमी।

रेम्‍बेट्‌मिडिम ल्‍वा 18:14

मे भ्रेपा-भ्रेट्‌पामिमका मेराम शहरलाई र्‍वामी, “गाना छो़म न बेन्‍नाम दाम्‍स्‍ताम बु। भ्रपा खोत्‍ले इ पोमु-डुमु नुङ इ जो़प्‍सी दाम्‍स्‍ता, गाना मेर्मिम हेल्‍लो वो मेल्‍वाना।”

रेम्‍बेट्‌मिडिम ल्‍वा 18:19

मेम्‍मा मेर्मिमका उनी बुइडला फुर्कु फिमी मा आरे र्‍वाक्‍तो ख्राम्‍मी मा येमी-दुमी, “गाना डोक्‍पु शहर, हाउरेमा, हाउरेमा! दिरिदिनडा लाम्‍दिपा जहाजडा बाट्‌पा खोत्‍ले मु़चु़मिम ओरामलामका खाप्‍चीचो़ दु़म्‍मिडी। घरिकोङकाङा ओराम छो़रो़प दु़स्‍ता।