रेम्‍बेट्‌मिडिम ल्‍वा 17:3 - थुलुङ राई

³ मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

रेम्‍बेट्‌मिडिम ल्‍वा 17:3 Referans Kwoze

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 17:18

गाना ल्‍वान्‍नाम मे मेसेम ने सुबुडाम हपमिमडला साखाम थो़पा डोक्‍पु शहर सो़।”

रेम्‍बेट्‌मिडिम ल्‍वा 12:6

मे मेसेम र्‍याङगो-र्‍याङगोथो़ स्‍वाङडा, मेसिन्‍डा को-न सङ रु धु़म नेमसम्‍म उमा चापे-डुपे दु़म्‍नु़ र्‍वाक्‍साका माम्‍चु़नीका मेरामकाम लागि खोम बनेबेम्‍डिम बाइडा।

रेम्‍बेट्‌मिडिम ल्‍वा 17:4

मे मेसेमका बैजनी रङकाम नुङ झ्‍वाक्‍पा लालाम ये फतासिड्‌डा, मा सो़ना, सोरलुङ नुङ दिरिल्‍यमिमका झ्‍वाक्‍पा बाइडा। मेराम मेसेमका उ नाम्‍सु़रु़ बेसीकु घ्राम्‍लु़पा नुङ मेजो़पा ल्‍वामिमका देम्‍पा सो़नाकु कान्‍चु़रे जेथाड्‌डु़।

रेम्‍बेट्‌मिडिम ल्‍वा 12:14

लावो मे मेसेमलाई मे डोमिफुका मेडार्रु़नु़ र्‍वाक्‍साका उमा लागि झो़म्‍सिबेन्‍जो़ल्‍मा र्‍याङगो-र्‍याङगोडाम खोमनो हुन्‍मुमा लमु कोङनिमका गुलाई खिरिजङमाकु नले लाप्‍तेर ग्‍वाक्‍तु़। मेसिन्‍डा सु-थ रु मुनाम उमा चापे-डुपे दु़म्‍नु़ र्‍वाक्‍साका झो़म्‍सिबेन्‍जो़ल्‍मा बाइडा।

रेम्‍बेट्‌मिडिम ल्‍वा 21:10

मेम्‍मा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई डोक्‍पु येप्‍पा पोप्‍चङडला लङडी मा पाह्रीलामका माम्‍चु़नीलाम योक्‍तोङा बेपा सेपा शहर, यरूशलेम रेम्‍बेट्‌ङिडी।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

रेम्‍बेट्‌मिडिम ल्‍वा 4:2

माम्‍चु़नी-पेलका गो लु़न्‍सिल्‍याङ्‍डो, मा पाह्रीला आमा ङादोडा साखाम थो़पा कोले गन्‍खोप बाइडा मा मेसिन्‍डा कोले गन्‍तासिट्‌पा बाम्‍डी।

थु़र्मा 8:39

मेर्चिप कुलामका पाखाडा लुक्‍गेच्‍ची, मा कोचोत्ति माम्‍चु़नी-पेलका फिलिपलाई वाङथो़ ङा लम्‍डी, मा मेरामका आथा ने फिलिपलाई मेल्‍वासु़वा, मा मे नपुंसक गेर्सी द्‌वाक्‍तो उ नेम ख्‍लोस्‍ता।

मत्ती 27:28

मेर्मिमका येशूकु ये-सेम प्‍लु़म्‍साम्‍डिमा गुमीलाई लालाम हुम-ये फबेट्‌मिडी।

रेम्‍बेट्‌मिडिम ल्‍वा 18:12

मेर्मिमका रेट्‌मिडिम सो़ना, मतो, सोरलुङ नुङ दिरिल्‍यमिम, जो़पा खाबाकु ये-सेम, बैजनी रङकाम ये-सेम, रेशमकाम ये-सेम नुङ झ्‍वाक्‍पा लालाम ये-सेम, भ्रपा नेम्‍पा सङकाम खोत्‍ले खालकाम सामान नुङ हात्तीकु लिकाम खोत्‍ले खालकाम सोजाममिम, हापा थिकाम सङ, बुलु, सेल नुङ जो़पा लुङ सु़का वो मेभ्रेमी।

रेम्‍बेट्‌मिडिम ल्‍वा 18:16

“डोक्‍पु शहर गाना हाउरेमा, हाउरेमा! जो़पा सुतीकु ये-सेम, बैजनी रङकु ये-सेम नुङ झ्‍वाक्‍पा लालाम ये-सेम फसिक्‍पा मा सो़ना, सोरलुङ नुङ दिरिल्‍यमिमका ब्‍ल्‍वासिक्‍पा।