रेम्‍बेट्‌मिडिम ल्‍वा 17:18 - थुलुङ राई

¹⁸ गाना ल्‍वान्‍नाम मे मेसेम ने सुबुडाम हपमिमडला साखाम थो़पा डोक्‍पु शहर सो़।”

रेम्‍बेट्‌मिडिम ल्‍वा 17:18 Referans Kwoze

रेम्‍बेट्‌मिडिम ल्‍वा 16:19

मेकोतिमा मेराम डोक्‍पु शहर बेबिलोन सु फ्‍वाक्‍चो़ल दु़स्‍तामा बिडा, मा नेब्‍दीमिमकु शहर स्‍याकारिस्‍ता। माम्‍चु़नीका डोक्‍पु बेबिलोन मिम्‍मिडी, मा उनीमा छो़म छोक्‍चोकु कान्‍चु़रेडा अङ्‍गूरकु बिलामका देम्‍बेट्‌मिडिमा मेराम शहरलाई थो़ट्‌मिडी।

रेम्‍बेट्‌मिडिम ल्‍वा 18:2

गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

लूका 2:1

मेराम थारीका रोमी हप अगस्‍तसका उमा किब्‍दीगोडा बाट्‌पा खोत्‍ले मु़चु़मिमकु नङ डो़नी बु़डु़मी।

रेम्‍बेट्‌मिडिम ल्‍वा 11:8

मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।