रेम्‍बेट्‌मिडिम ल्‍वा 17:17 - थुलुङ राई

¹⁷ हेङालोने माम्‍चु़नीकु सिजेम होम्‍साका मेरोक्‍थिथु़मसम्‍म मेर्मिम कोले नकाम दु़म्‍साका साखाम थो़पा उनी यु़म मे हादीबारालाई ग्‍वाक्‍साका माम्‍चु़नीकु न होङङा बोम्‍सोमु गुमीका मेर्मिमकु नडा ओराम ल्‍वा फिम्‍साम्‍डी।

रेम्‍बेट्‌मिडिम ल्‍वा 17:17 Referans Kwoze

रेम्‍बेट्‌मिडिम ल्‍वा 10:7

लावो येतनोम पाह्रीचो़का उ भुम डु़पा थारी रो, मा माम्‍चु़नीलाम जेपा उनीमा डु़ल्‍चो़नुङ त्‍वाकाङा सो़म्‍डिम मेल्‍वाम्‍मा ल्‍वा रोथी।”

२ कोरिन्‍थी 8:16

गो इनीमा दुथाम बेउमिम मिम्‍ताम-सो़र्तामङा माम्‍चु़नीका तीतसकु न-गोनो जु़ल्‍साम्‍डी। मेम्‍मिमका गुमीलाई आलासो़ र्‍वाङु।

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

रेम्‍बेट्‌मिडिम ल्‍वा 17:13

मेर्मिम कोले नकाम बुमी मा मेर्मिमका उनी यु़म नुङ साखाम मे हादीबारालाई ग्‍वामी।

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’

लूका 22:22

हेङालोने माम्‍चु़नीका मुलु़ बेम्‍डिम होम्‍साका मिनीचो़ ने सिमुङा बासी, लावो गुलाई भ्रेट्‌पा मेराम मु़चु़लाई ने माम्‍चु़नीका इम्‍मु मेझापा देन्‍दे ग्‍वामी।”

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”

यूहन्‍ना 19:24

मेर्मिमका उनी त्‍वाप-त्‍वापडा आरे र्‍वाबेम्‍डी, “ओराम मेआ़क्‍सी, ओराम सु़का ल्‍वापा र्‍वाक्‍साका चिठ्ठा ओप्‍डी।” माम्‍चु़नीकु सिजेमडाम ओराम ल्‍वा रोथिनु़ र्‍वाक्‍साका आरे दु़स्‍ताम: “मेर्मिमका आमा ये-सेम दो़म्‍डी, उनी त्‍वाप-त्‍वापडा दो़म्‍डी, मा आमा ये-सेमकाम लागि चिठ्ठा ओम्‍मिडी।” मेम्‍मिमका सिपाहीमिमका आरे बेम्‍डी।

यूहन्‍ना 10:35

माम्‍चु़नीकु सिजेमका र्‍वाक्‍ताम ल्‍वा हेल्‍लो लोवो आच्‍छाङा बु र्‍वाक्‍पा गुइ च। उनी सिजेम ग्‍वाक्‍मा मु़चु़मिमलाई माम्‍चु़नीका नो़पमिम र्‍वामी।

लूका 22:37

हेङालोने “गुमी ख्‍ल्‍याम्‍याचो़मिमनुङ ङार्सिम्‍डी र्‍वाक्‍साका माम्‍चु़नीकु सिजेमडा आमा दुथाम र्‍याक्‍मा ल्‍वा रोक्‍थिट्‌पा थारी रोक्‍ताम बु। आच्‍छाङा आमा दुथाम र्‍वाक्‍मा खोत्‍ले ल्‍वामिम रोक्‍थित्तोङा लेडु़।”

लूका 22:3

मेकोतिमा को-न (१२) सीसिपामिमगोडाम कोले यहूदा इस्‍करियोत र्‍वाक्‍मा मु़चु़गोडा शैतान हुङडा।

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”