रेम्‍बेट्‌मिडिम ल्‍वा 16:21 - थुलुङ राई

²¹ ङो धु़म, ङो धु़म किलोग्राम कोकोवाम डोक्‍पुतो लोसु़मिम धामुलामका मु़चु़मिमडला आल्‍मिडी। लोसु़कु दु़खा ल्‍वाम्‍डिमका मेर्मिमका माम्‍चु़नीलाई वाइतो बेट्‌मिडी, हेङालोने मेराम दु़खा ने छो़म ङिमलु़पा बाइडा।

रेम्‍बेट्‌मिडिम ल्‍वा 16:21 Referans Kwoze

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 16:9

छो़म चापा नेम्‍सुङका मेर्मिम घ्रु़म्‍डी मा मेर्मिम दु़खामिम त्‍वाकु ल्‍वाडा बेपा माम्‍चु़नीकु नङलाई मेर्मिमका वाइतो बेट्‌मिडी। मेर्मिम उनी छु़ललाम ख्‍लोम्‍सिमु नुङ माम्‍चु़नी डोक्‍पु बुमी र्‍वामु मेबिम्‍सिप्‍मिवा।

रेम्‍बेट्‌मिडिम ल्‍वा 16:11

मा मेर्मिमका उनी थो़म्‍बोकडा दुपा दु़खा ल्‍वाम्‍डिमका नुङ पार दु़स्‍तामका पाह्रीलाम माम्‍चु़नीलाई वाइतो बेट्‌मिडी। लावो मेर्मिमका बेम्‍डिम मेजो़पा खारीलाम माम्‍चु़नीथो़ ख्‍लोम्‍सिमु मेबिम्‍सिप्‍मिवा।

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।