रेम्‍बेट्‌मिडिम ल्‍वा 16:19 - थुलुङ राई

¹⁹ मेकोतिमा मेराम डोक्‍पु शहर बेबिलोन सु फ्‍वाक्‍चो़ल दु़स्‍तामा बिडा, मा नेब्‍दीमिमकु शहर स्‍याकारिस्‍ता। माम्‍चु़नीका डोक्‍पु बेबिलोन मिम्‍मिडी, मा उनीमा छो़म छोक्‍चोकु कान्‍चु़रेडा अङ्‍गूरकु बिलामका देम्‍बेट्‌मिडिमा मेराम शहरलाई थो़ट्‌मिडी।

रेम्‍बेट्‌मिडिम ल्‍वा 16:19 Referans Kwoze

रेम्‍बेट्‌मिडिम ल्‍वा 18:5

हेङालोने मेराम शहरडाम छु़लमिम पाह्रीसम्‍म चोसिड्‌डाम बु, मा मेरामकु मेजो़पा खारीमिम माम्‍चु़नीका मिम्‍मिडिम बु।

रेम्‍बेट्‌मिडिम ल्‍वा 18:10

मेराम शहरकु दु़खाका मेर्मिम ङिमिमा होनोवा येम्‍सिप्‍मिमा आरे र्‍वाक्‍तो येमी: “डोक्‍पु शहर गाना बेबिलोन, यु़मनुङमा शहर, गाना ने हाउरेमा, हाउरेमा! घरिकोङकाङा गाना पुयु़लुक्‍पा थारी रोक्‍ल्‍याड्‌डा।”

रेम्‍बेट्‌मिडिम ल्‍वा 17:18

गाना ल्‍वान्‍नाम मे मेसेम ने सुबुडाम हपमिमडला साखाम थो़पा डोक्‍पु शहर सो़।”

रेम्‍बेट्‌मिडिम ल्‍वा 18:21

मेकोतिमा यु़मनुङमा कोले पाह्रीचो़का कोले डोक्‍पु खुरुक होङङा बेपा कोले लुङ कोस्‍तु़मा दिरिदिनगोयु़ घ्रोक्‍तु़मा र्‍वाक्‍ता: “मे डोक्‍पु शहर बेबिलोन आरेसाकाङा छो़म सातिका घ्रोसी मा मेराम हेल्‍लो वो मेडार्सी।

रेम्‍बेट्‌मिडिम ल्‍वा 18:2

गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

रेम्‍बेट्‌मिडिम ल्‍वा 11:8

मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।

रेम्‍बेट्‌मिडिम ल्‍वा 17:1

येतले कान्‍चु़रे अपा पाह्रीचो़मिमगोडाम कोले आमाडा योक्‍तामा र्‍वाक्‍ता, “बिका, हापा ब्‍लोकुमिम फार्डा गन्‍तासिट्‌पा नङ धोपा छो़लो़मा मेसेमडला रोमुखापा देन्‍दे गो रेम्‍बेनी।