Biblia Todo Logo
Bib sou entènèt

- Piblisite -




रेम्‍बेट्‌मिडिम ल्‍वा 14:18 - थुलुङ राई

18 मेम्‍मा मु उमा ल्‍वाड्‍डा बेपा कोङमी पाह्रीचो़ सासेन्‍खोपलाम रोक्‍ता। गु मेलाम रोक्‍तामा मे हन्‍पा बन जेथाक्‍पालाई डोक्‍पु लो़लामका आरे बु़डु़, “हन्‍पा इमा बन जेडा मा सुबुडाम अङ्‍गूरकु झुम्‍पामिम खोप्‍डामी, हेङालोने सुबुडाम अङ्‍गूर थोक्‍ता।”

Gade chapit la Kopi




रेम्‍बेट्‌मिडिम ल्‍वा 14:18
7 Referans Kwoze  

मेम्‍मा ब्‍लनोम पाह्रीचो़का नेम्‍सुङडला उ कान्‍चु़रे अयु़डु़ मा मु़चु़मिमलाई मुका घ्रु़बेट्‌पा साखाम नेम्‍सुङका ल्‍वास्‍तु़।


लावो मे मा थो मेडे मे मु़चु़ लमा हिम्‍मु चो़म्‍डु़, हेङालोने मा फमु थारी वो रोम्‍फामु दु़म्‍सु़मिम दु़म।”


मेम्‍मा सो़नाकाम धूप चाखोप जेथाक्‍पा कोङमी पाह्रीचो़ रोक्‍ता मा सासेन्‍खोपफार्डा येम्‍स्‍ता। हप गन्‍खोपकु ङादोडा बाट्‍पा सो़नाकु सासेन्‍खोपडला माम्‍चु़नीकु खोत्‍ले मु़चु़मिमका सो़म्‍दीनुङ धूप चामिनु़ र्‍वाक्‍साका गुलाई हापा धूप ग्‍वाम्‍डी।


मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”


Swiv nou:

Piblisite


Piblisite