रेम्‍बेट्‌मिडिम ल्‍वा 14:15 - थुलुङ राई

¹⁵ मेम्‍मा कोङमी पाह्रीचो़ सो़रनेमलामका पाखा लुक्‍ता मा खासेडला गन्‍तासिट्‌पा गुमीलाई डोक्‍पु लो़लामका र्‍वाक्‍ता, “इनीमा बन जेट्‌नी मा हिप्‍नी, हेङालोने हिम्‍मु थारी रोक्‍ताम बु, सुबुडाम मा-के थोक्‍ताम बु।”

रेम्‍बेट्‌मिडिम ल्‍वा 14:15 Referans Kwoze

मर्कूस 4:29

लावो मे मा थो मेडे मे मु़चु़ लमा हिम्‍मु चो़म्‍डु़, हेङालोने मा फमु थारी वो रोम्‍फामु दु़म्‍सु़मिम दु़म।”

मत्ती 13:39

मालिन्‍दो फोट्‌पाका शैतानलाई रेम्‍बु़। हक्‍पा थारीका सु़म्‍दिसेरकु हुक्‍पा थारीलाई रेम्‍बु़। मेम्‍मा मा-के हक्‍पामिमका पाह्रीचो़मिमलाई रेम्‍बु़।

रेम्‍बेट्‌मिडिम ल्‍वा 14:18

मेम्‍मा मु उमा ल्‍वाड्‍डा बेपा कोङमी पाह्रीचो़ सासेन्‍खोपलाम रोक्‍ता। गु मेलाम रोक्‍तामा मे हन्‍पा बन जेथाक्‍पालाई डोक्‍पु लो़लामका आरे बु़डु़, “हन्‍पा इमा बन जेडा मा सुबुडाम अङ्‍गूरकु झुम्‍पामिम खोप्‍डामी, हेङालोने सुबुडाम अङ्‍गूर थोक्‍ता।”

मत्ती 13:30

मा-के हमु थारीसम्‍म मालिन्‍दो नुङ जेप्‍सेर कोयो-कोयोङा बर्मु ग्‍वाक्‍नी। मेकोतिमा मा-के हमु थारीका मा-के हक्‍पामिमलाई आरे र्‍वाङु, ‘ङादो मालिन्‍दो बुल्‍निमा चामु लागि बट्‌नी, लावो जेप्‍सेर ने आमा छेदेनेमगोडा जु़ल्‍नी’।”

रेम्‍बेट्‌मिडिम ल्‍वा 16:17

मेम्‍मा येतनोम पाह्रीचो़का जुडला उ कान्‍चु़रे अयु़डु़, मा सो़रनेमडाम हप गन्‍खोपलामका आरे र्‍वाक्‍पा कोङ डोक्‍पु लो़लाम लुक्‍ता, “लु, हुक्‍ता।”

मत्ती 23:32

इनी ङाउ-खुउका चो़म्‍मिडिम छु़लकु खारी गानी बेन्‍सोट्‌निका मा!

रेम्‍बेट्‌मिडिम ल्‍वा 15:6

येतले पाह्रीचो़मिमका येतले दु़खामिम जेन्‍थाम्‍डिमा मे सो़रनेमलामका पाखा लुम्‍डी। मेर्मिमका छेको-छेकोम नुङ झ्‍वाक्‍पा ये फम्‍तासिम्‍डी मा उनी धक्‍चीधाली सो़नाकु फिता बन्‍थाम्‍डी।

रेम्‍बेट्‌मिडिम ल्‍वा 14:14

मेम्‍मा गो रेप्‍तो मा आमा ङादोडा बुबुयाम खासे बाइडा, मा मेडला मिनीचो़ होप्‍माम कोले गन्‍तासिट्‌मिडी। उनीमा बुइडला सो़नाकु मुकुट खुम्‍तासिम्‍डी, मा उनीमा ल्‍वाडा हन्‍पा कोले बन बाइडा।

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

रेम्‍बेट्‌मिडिम ल्‍वा 13:12

मेरामका कोनोम हादीबाराकु खोमडा खोत्‍ले साखाम थो़ड्‌डु़ मा ङिमलु़पा पार सस्‍ताम कोनोम हादीबाराकु नङडा सुबु नुङ मेसिन्‍डा बाट्पा मु़चु़मिमलाई मेरामका सेव सान्‍बेड्‌डु़मी।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 14:16

आरेसाका खासेडला गन्‍तासिट्‌पाका सुबुडा उनी बन मोम्‍डी मा सुबुडाम मा-के हिप्‍मिडी।

रेम्‍बेट्‌मिडिम ल्‍वा 14:17

मेम्‍मा कोङमी पाह्रीचो़ पाह्रीलाम सो़रनेमलामका पाखा लुक्‍ता। गुनुङ वो हन्‍पा कोले बन बाइडा।