रेम्‍बेट्‌मिडिम ल्‍वा 14:13 - थुलुङ राई

¹³ मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

रेम्‍बेट्‌मिडिम ल्‍वा 14:13 Referans Kwoze

रेम्‍बेट्‌मिडिम ल्‍वा 20:6

सिमुलाम ङादोम बग्‍गेसीडा बक्‍पामिम आलाकाम नुङ सेपामिम सो़। ननोम सिमुलामकाम हाम वो यु़म मेर्मिमडला मेदु़म, लावो मेर्मिम माम्‍चु़नी नुङ ख्रीष्‍टकु डु़म्‍लाचो़ दु़म्‍मी मा मेर्मिमका ख्रीष्‍टनुङ को धु़म सङ थ साखाम थो़मी।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

२ कोरिन्‍थी 5:8

इकीमा छो़म सो हन्‍पा बु मा ओराम मिरो़म डिसाका ङाचो़नुङ बुमु गुइ द्‌वाकी।

रेम्‍बेट्‌मिडिम ल्‍वा 16:17

मेम्‍मा येतनोम पाह्रीचो़का जुडला उ कान्‍चु़रे अयु़डु़, मा सो़रनेमडाम हप गन्‍खोपलामका आरे र्‍वाक्‍पा कोङ डोक्‍पु लो़लाम लुक्‍ता, “लु, हुक्‍ता।”

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ कोरिन्थी 15:18

मेम्‍मा ख्रीष्‍टडा थो़रलु़साका सिपा मु़चु़मिम वो पुयु़लुम्‍डी।

रोमी 14:8

गुइ नु़इ लोवो ङाचो़काम लागि ङा नु़इ मा सिइ लोवो ङाचो़काम लागि ङा सिइ। मेम्‍मिमका गुइ सिइ लोवो नु़इ लोवो ङाचो़काम लागिङा सो़।

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 10:4

येतले बुलु़लु़मिम बु़डु़म ल्‍वा गो र्‍यामु खाप्‍तोम बाइडा, लावो पाह्रीलामका कोङ लो़लामका आरे र्‍वाक्‍ताम गो थो़उतो, “मे येतले बुलु़लु़मिमका र्‍वाम्‍डिम ल्‍वा मेर्‍याका, लावो नगोडा जु़ला।”

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

१ कोरिन्थी 15:20

लावो आच्‍छाङा ख्रीष्‍टलाई माम्‍चु़नीका सिमुलाम फम्‍खेट्‌मिडी। सिपामिम वो सिमुलाम बम्गेमी र्‍वाक्‍पा ल्वा रेम्बोमु लागि ङादो सिट्‌पा मा होप्‍मामङा गुमी ने खोत्‍लेडाम ङादो सिमुलाम बम्‍गेम्‍डी।

१ तिमोथी 5:24

कोङ-कोङ मु़चु़मिमकाम छु़लमिम ने निया दु़म्‍मु ङादोङा जो़होमका ल्‍वासिमिम दु़म, लावो कोङनिमकु छु़लमिम ने दिफु कोङङा ल्‍वासी।

१ तिमोथी 5:25

मेम्‍साकाङा जो़पा खारी वो खोत्‍लेका जो़होमका ल्‍वासिमिम दु़म, मेम्‍साका मेल्‍वासी लोवो चङडा खोत्‍लेका ल्‍वासी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।