रेम्‍बेट्‌मिडिम ल्‍वा 13:4 - थुलुङ राई

⁴ मु़चु़मिमका मे डोमिफु सेव साट्‌मिडी, हेङालोने मेरामका हादीबारालाई साखाम ग्‍वाक्‍तु़म बाइडा। मेर्मिमका मे हादीबारालाई वो सेव साट्‌मिडी मा र्‍वाम्‍डी, “ओ हादीबारा होप्‍माम सु़ बु, मा ओरामनुङ सु़का क्‍वाल्‍बा बोमु चाप्‍सु़?”

रेम्‍बेट्‌मिडिम ल्‍वा 13:4 Referans Kwoze

रेम्‍बेट्‌मिडिम ल्‍वा 13:2

गो आ मिक्‍सीका ल्‍वाउतोम मे हादीबारा रेचेरे होङङा बेपा बाइडा, लावो उ खेल होमुकाम होप्‍माम बाइडा, मा उ सि धेन्‍द्राकाम होप्‍माम बाइडा। मे डोमिफुका उ यु़म, हप होङका उ गन्‍खोप नुङ डोक्‍पु साखाम मे हादीबारालाई ग्‍वाक्‍तु़।

रेम्‍बेट्‌मिडिम ल्‍वा 18:18

मे शहर घ्रु़पालाम लुक्‍पा कुइकु मेर्मिमका ल्‍वामी मा आरे र्‍वाक्‍तो येमी, “ओराम डोक्‍पु शहर होप्‍माम वाङमिम बाम शहर बाइडा?”

रेम्‍बेट्‌मिडिम ल्‍वा 13:15

मेराम हादीबाराका कोनोम हादीबाराकु ङाटालाई साम फिक्‍साका जेमु यु़म ल्‍वास्‍तु़ मा मे ङाटा सेव सान्‍मु मेबिसिक्‍पामिम खोत्‍लेलाई सेन्‍बेड्‌डु़मी।

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

रेम्‍बेट्‌मिडिम ल्‍वा 9:20

ओर्मिम सेट्‌पा दु़खाका मेसेट्‌मा वाङमिम मु़चु़मिमका आथावो उनी मेजो़पा खारीलाम मेख्‍लोम्‍सिट्‌मिवा। मेर्मिमका मुनाङमिम नुङ मिक्‍सीका ल्‍वामु मेचापा, मेथो़पा मा लाम्‍दिमु मेचापा सो़ना, मतो, बुलु, लुङ नुङ सङकु ङाटालाई सेव सान्‍मु मेडिट्‌मिवा।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रेम्‍बेट्‌मिडिम ल्‍वा 13:11

मेकोतिमा सुबुलामका लुक्‍ताम कोङमी हादीबारा गो ल्‍वाउतो। भेन्‍दाचो़काम होप्‍माम मेरामकाम नले रङ बाइडा, लावो मेराम डोमिफु होङङा जेस्‍ता।