रेम्‍बेट्‌मिडिम ल्‍वा 12:5 - थुलुङ राई

⁵ हपका मोक्‍पा होप्‍माम सेलकु डु़लु़म्‍चो़का खोत्‍ले नेब्‍दीडा साखाम थो़पा कोले तारापाचो़ मे मेसेमका कस्‍तु़। मेम्‍मा मे तारापाचो़ पाह्रीचो़का माम्‍चु़नीकाला मा उनीमा साखाम थो़पा गन्‍खोपला लडु़।

रेम्‍बेट्‌मिडिम ल्‍वा 12:5 Referans Kwoze

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 12:2

गु गोजु़मे बाइडा मा चो़च्‍चो़ कक्‍पा हिम्‍बा खेड्‍डु़मा येस्‍ताम बाइडा।

रेम्‍बेट्‌मिडिम ल्‍वा 11:12

मेम्‍मा मेर्चिपलाई पाह्रीलामका कोङ डोक्‍पु लो़लामका आरे र्‍वाक्‍ताम थो़च्‍ची, “आला गेची।” मेर्चिपकु स्‍वाक्‍चिमोमिमका रेप्‍मिडी होङङा खासेडलामका पाह्रीला लक्‍ची।

मत्ती 1:25

लावो मरियमका तारापाचो़ मेकक्‍सु़वामसम्‍म योसेफ मरियमनुङ कोदेप मेअम्‍सावा। मेकोतिमा उनी नङ येशू बाबेड्‌डु़।

२ कोरिन्‍थी 12:2

ख्रीष्‍टडा थो़रलु़पा कोले मु़चु़लाई गो छेपु, को-ब्‍ल (१४) थ ङादो गुलाई माम्‍चु़नीका खोत्‍लेडाम येप्‍पा पाह्रीला कोम्‍डी। गुलाई मिरो़मडा लम्‍डिम डे पेलडा डे लम्‍डी मेराम गो मेचक्‍पु, माम्‍चु़नीका चमी।

मर्कूस 16:19

मेर्मिमनुङ जेमु डु़म्‍मिडिमा येशू पाह्रीथो़ कोम्‍सिम्‍डी, मा माम्‍चु़नीकु जो़पलामका गन्‍मिडी।

२ कोरिन्‍थी 12:4

गुलाई माम्‍चु़नीका पाह्रीला कोम्‍डिमा मेसिन्‍डा मु़चु़कु सिका र्‍वामुङा मेचापा नुङ मु़चु़का सो़सी मेनु़पा ल्‍वा गुका थो़स्‍तु़।

रेम्‍बेट्‌मिडिम ल्‍वा 12:13

मे डोमिफुका गु त्‍वाप सुबुडा डस्‍ताम चडु़ मा तारापाचो़ कक्‍पा मे मेसेमलाई खाड्‌डु़।