रेम्‍बेट्‌मिडिम ल्‍वा 11:19 - थुलुङ राई

¹⁹ मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 11:19 Referans Kwoze

रेम्‍बेट्‌मिडिम ल्‍वा 16:21

ङो धु़म, ङो धु़म किलोग्राम कोकोवाम डोक्‍पुतो लोसु़मिम धामुलामका मु़चु़मिमडला आल्‍मिडी। लोसु़कु दु़खा ल्‍वाम्‍डिमका मेर्मिमका माम्‍चु़नीलाई वाइतो बेट्‌मिडी, हेङालोने मेराम दु़खा ने छो़म ङिमलु़पा बाइडा।

रेम्‍बेट्‌मिडिम ल्‍वा 4:5

मे साखाम थो़पा गन्‍खोपलामका ब्‍ल्‍याक्‍ची झ्‍वाक्‍ताम बाइडा, गुडुमाक्‍सी र्‍वाक्‍साका जेस्‍ताम बाइडा मा बुलु़लु़ बु़डु़म बाइडा। मे साखाम थो़पा गन्‍खोप ङादोडा येतले धिप्‍रीमिम झ्‍वाम्‍डिम बाम्‍डी, मेर्मिम ने माम्‍चु़नीकु येतले पेलमिम सो़।

रेम्‍बेट्‌मिडिम ल्‍वा 8:5

मेम्‍मा पाह्रीचो़का मे धूप चाखोप रङ्‍डु़मा सासेन्‍खोपडला मुका देम्‍बेट्‌डु़, मा सुबुडा घ्रोक्‍तु़। मेम्‍मा बुलु़लु़ बु़डु़, गुडुमाक्‍सी जेस्‍ता, ब्‍ल्‍याक्‍ची ओप्‍डु़ मा सुबुरुक्‍सी लस्‍ता।

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 16:18

मेकोतिमा ब्‍ल्‍याक्‍ची ओप्‍डु़, बुलु़लु़ बु़डु़, गुडुमाक्‍सी जेस्‍ता मा ङिमलु़पा सुबु रुड्‌डु़। सुबुडा मु़चु़ प्रङ्‌सिम्‍डिलो आथाम मेप्‍माम हेल्‍लो वो ङिमलु़पा सुबु रुड्‌डु़म मेबायावा।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

रेम्‍बेट्‌मिडिम ल्‍वा 7:15

मेम्‍मिमका, ‘मेर्मिम माम्‍चु़नी हप गन्‍खोप ङादोडा बुमी मा माम्‍चु़नीकु सो़रनेम गोडा नेम्‍फु सिन्‍था मेर्मिमका उनीमा लाले-पाङके बोमी, मा हप गन्‍खोपडा गन्‍पा गुमीका मेर्मिमलाई उनी त्‍वापनुङङा बुमु खोम ग्‍वामी।

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

रेम्‍बेट्‌मिडिम ल्‍वा 16:1

मेकोतिमा सो़रनेमलाममिम कोङ डोक्‍पु लो़लामका येतले पाह्रीचो़मिमलाई आरे बु़डु़मिम गो थो़उतो, “लक्‍नी, मा माम्‍चु़नीकु छोक्‍चोकु येतले कान्‍चु़रेमिम सुबुडला अनी।”