रेम्‍बेट्‌मिडिम ल्‍वा 11:17 - थुलुङ राई

¹⁷ मा आरे र्‍वाम्‍डी, “मिप्रङमा माम्‍चु़नी खोत्‍लेडलाम साखामनुङमा, गानी ओम्‍लो वो बुनी मा ङादो वो बान्‍नी, गानीलाई गुकु आलासो़ र्‍वाकु। हेङालोने गानी इनीमा डोक्‍पु यु़म रन्‍निम बु मा साखाम थो़मु चो़म्‍निम बु।

रेम्‍बेट्‌मिडिम ल्‍वा 11:17 Referans Kwoze

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 16:5

मेम्‍मा कु रेपा खारी ल्‍वापा पाह्रीचो़का आरे र्‍वाक्‍ताम गो थो़उतो, “गानी सेपा माम्‍चु़नी, गानी ओम्‍लो वो बुनी, ङादो वो बान्‍नी, गानी जो़पा निया बेन्‍नी,

रेम्‍बेट्‌मिडिम ल्‍वा 19:6

मेम्‍मा छो़म सेर्पा मु़चु़मिम होङङा येपा, ब्‍लोकु होङङा येपा नुङ डोक्‍पु बुलु़लु़ बु़मिम होप्‍माम लो़लाम गो थो़उतो, मेरामका आरे र्‍वाक्‍ताम बाइडा: “हल्‍लेलूयाह! हेङालोने इकीमा मिप्रङमा खोत्‍लेडाम यु़मनुङमा माम्‍चु़नीका साखाम थो़मी।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 16:7

मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 16:14

मेर्मिम ने हेल्‍लो वो मेल्‍वाम्‍मा छेखोपमिम रेम्‍बेपा मुनाङमिमकु पेल सो़। खोत्‍ले सु़म्‍दिसेरडाम हपमिमकाडा मेर्मिम लमी मा खोत्‍लेडलाम यु़मनुङमा माम्‍चु़नीका डोक्‍पु निया बोमिमिम नेम क्‍वाल्‍बा बोमु लागि मे हपमिमलाई खोम्‍मी।

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

१ तिमोथी 1:12

इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

लूका 10:21

मेराम थारीकाङा येशूलाई माम्‍चु़नी-पेलका गेर्सिबेट्‌मिडी, मा गुमीका र्‍वाम्‍डी, “माम्‍चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्‍वानिनी, हेङालोने थेट्‌पा मु़चु़ नुङ नेप्‍चीनुङमामिमडाम थक्‍निम ल्‍वा चो़च्‍चो़ होप्‍माम मु़चु़मिमलाई रेम्‍बेट्‌नी। गानी आरे बोमु ङा जो़पा लु़न्‍नी माम्‍चु़नी।

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

२ कोरिन्‍थी 9:15

र्‍वामुङा मेझापा हापा थिकु राप्‍लावाकाम लागि माम्‍चु़नीलाई आलासो़ दु़म्‍नु़।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

यूहन्‍ना 11:41

मेर्मिमका सु़लु़मकु ख्रेमलुङ रिल्‍मिडी। मेकोतिमा येशूका पाह्रीथो़ रेप्‍मिडिमा र्‍वाम्‍डी, “पाआ, गो र्‍वाङडोम ल्‍वा गानी थो़ङसाङडिनिमकाम लागि आलासो़।

रेम्‍बेट्‌मिडिम ल्‍वा 18:8

मेम्‍मिमका सेट्‌पा ओर्मिम दु़खामिम गुडला कोलेमका रोमी: सिमुलाम, येसी-दुक्‍सी नुङ मा-के हुक्‍पा दु़खा। मुका गु छो़रो़प दु़म, हेङालोने उमा निया बेपा मिप्रङमा माम्‍चु़नी यु़मनुङमा बुमी।”