मेम्मा कोङ डोक्पु लो़लामका पाह्रीला आरे र्वाक्ताम गो थो़उतो, “आथा ने इकीमा माम्चु़नीका मु़चु़मिम सेल्मी, गुमीका उनीमा यु़म मोमी, मा हपका होङङा साखाम थो़मी, मा उनीमा ख्रीष्टकु साखाम रोक्ताम बु। इकीमा वा-ल्वाकमिमकु बुइडला मेजो़पा ल्वा उट्पा, मेरामका इकीमा माम्चु़नीकु ङादोडा नेम्फु सिन्था मेर्मिमकु बुइडला मेजो़पा ल्वा उडु़, मेराम डस्ताम बु।
रेम्बेट्मिडिम ल्वा 11:15 - थुलुङ राई15 येतनोम पाह्रीचो़का उ भुम डु़प्डु़, मा पाह्रीला आरे र्वाक्पा डोक्पु लो़लाममिम येम्डी, “सु़म्दिसेरडला साखाम थो़पा यु़म इकीमा ङाचो़ नुङ उनीमा ख्रीष्टकाम दु़स्ता, मा गुमीका हेल्लो लोवो साखाम थो़मिम बुमिमिम दु़म।” Gade chapit la |
रेम्बेट्मिडिम ल्वा 11:15
54 Referans Kwoze
मेम्मा निया बोमु साखाम ग्वाक्मा मु़चु़मिम साखाम थो़पा गन्खोपमिमडा गन्तासिट्पा गो ल्वाउतोमी। मेम्मा येशूका थेसिथेन्बेट्मिडिम सीसि नुङ माम्चु़नीकु सिजेम जेम्डिमका उनी बुइ क्रिप्साका सेट्मिडिम मेर्मिमकु पेल वो गो ल्वाउतो। मेर्मिमका मे हादीबारा ना उ ङाटा हाम वो सेव साट्मिडिम मेबायावा, मा उनी कुप्पीडा ना ल्वाड्डा मेरामकु छाप मेरमिवाम बाइडा। मेर्मिम नु़मबम्डी मा ख्रीष्टनुङ को धु़म सङ थ साखाम थो़ट्मिडी।
ब्लनोम पाह्रीचो़का उ भुम डु़प्डु़, मा नेम्सुङकाम सु फ्वाकु को फ्वाडला हाम-हुमका ओप्डु़। मेम्मा ख्लो़मुकाम सु फ्वाकु को फ्वाडला नुङ सोरलुङमिमकाम सु फ्वाकु को फ्वाडला ओप्डु़, मा मेर्मिमकाम सु फ्वाकु को फ्वा केकेया दु़स्ता। नेमकाम सु फ्वाकु को फ्वा ओल मान्थिम दु़स्ता मा सिन्थाकाम सु फ्वाकु को फ्वा वो ओल मान्थिम दु़स्ता।
Piblisite