रेम्‍बेट्‌मिडिम ल्‍वा 1:8 - थुलुङ राई

⁸ खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 1:8 Referans Kwoze

रेम्‍बेट्‌मिडिम ल्‍वा 22:13

अल्‍फा नुङ ओमेगा, ङादोम नुङ चङनोम, चो़म्‍पा नुङ हुक्‍पा गोङा।

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 11:17

मा आरे र्‍वाम्‍डी, “मिप्रङमा माम्‍चु़नी खोत्‍लेडलाम साखामनुङमा, गानी ओम्‍लो वो बुनी मा ङादो वो बान्‍नी, गानीलाई गुकु आलासो़ र्‍वाकु। हेङालोने गानी इनीमा डोक्‍पु यु़म रन्‍निम बु मा साखाम थो़मु चो़म्‍निम बु।

रेम्‍बेट्‌मिडिम ल्‍वा 1:17

गो गुमीलाई ल्‍वाउतो मा आमा सामङा लक्‍पा होङङा दु़म्‍ङोडोमा उनीमा खेल फारयु़ कुम्‍सिङ्‌डो। मेम्‍मा गोडला गुमीका उनीमा जो़प ल्‍वा जु़ल्‍मिडिमा र्‍वाम्‍डी, “मेङिसा, हुम-द नुङ चो़म-द गोङा सो़।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 16:14

मेर्मिम ने हेल्‍लो वो मेल्‍वाम्‍मा छेखोपमिम रेम्‍बेपा मुनाङमिमकु पेल सो़। खोत्‍ले सु़म्‍दिसेरडाम हपमिमकाडा मेर्मिम लमी मा खोत्‍लेडलाम यु़मनुङमा माम्‍चु़नीका डोक्‍पु निया बोमिमिम नेम क्‍वाल्‍बा बोमु लागि मे हपमिमलाई खोम्‍मी।

रेम्‍बेट्‌मिडिम ल्‍वा 21:22

मेराम शहरडा गो सो़रनेम मेल्‍वाउवा, हेङालोने खोत्‍लेडलाम यु़मनुङमा मिप्रङमा माम्‍चु़नी नुङ भेन्‍दाचो़ङा शहरडाम सो़रनेम सो़।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

रेम्‍बेट्‌मिडिम ल्‍वा 16:7

मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 19:6

मेम्‍मा छो़म सेर्पा मु़चु़मिम होङङा येपा, ब्‍लोकु होङङा येपा नुङ डोक्‍पु बुलु़लु़ बु़मिम होप्‍माम लो़लाम गो थो़उतो, मेरामका आरे र्‍वाक्‍ताम बाइडा: “हल्‍लेलूयाह! हेङालोने इकीमा मिप्रङमा खोत्‍लेडाम यु़मनुङमा माम्‍चु़नीका साखाम थो़मी।