रेम्‍बेट्‌मिडिम ल्‍वा 1:16 - थुलुङ राई

¹⁶ उनीमा जो़प ल्‍वालाम येतले सोरलुङमिम जेन्‍थाम्‍डी, मा उनीमा सिलामका नलेलाम फल्‍खोप बाट्‌पा हन्‍पा कातु़रु़ लुक्‍ता। उनीमा ङाली नेम्‍फुम नेम्‍सुङ होप्‍माम छो़म झ्‍वाक्‍पा बाइडा।

रेम्‍बेट्‌मिडिम ल्‍वा 1:16 Referans Kwoze

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

रेम्‍बेट्‌मिडिम ल्‍वा 2:16

मेम्‍मिमका माम्‍चु़नीथो़ ख्‍लोन्‍सिट्‌नी। मेएँ माला ने गो इमाडा दालाङा रोङु मा आमा सिलामका लुक्‍पा कातु़रु़का मे निकोलाइटसमिमकु कोर्थो़लाम बङुमा क्‍वाल्‍बा बेउ।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

एफिसी 6:17

माम्‍चु़नीका सेल्‍निमिम ल्‍वा इनी बुइ बोपा-थार्पा सेलकु खुचु़खुम खुन्‍सिनिमिम होम्‍साका खुतासिट्‌नी। माम्‍चु़नी पेलका ग्‍वानिमिम कातु़रु़ बिम्‍तासिट्‌नी। मेराम कातु़रु़ ने माम्‍चु़नीकु सिजेम सो़।

रेम्‍बेट्‌मिडिम ल्‍वा 19:21

मेर्मिमगोडाम याङलाई मे बुबुयाम घोडाडला हुपाकु सिलामका लुक्‍पा कातु़रु़का सेड्‌डु़मी। मेम्‍मा खोत्‍ले चक्‍पुमिमका मेर्मिमकु रो़मसो़ खोहोम पेम्‍डी।

मत्ती 17:2

मेर्मिमका रेप्‍तो-रेप्‍तोङा येशूकाम ङाली ख्‍लोसिड्‌डा, मा उनीमा ङाली नेप्‍सुङ होङङा झ्‍वाक्‍ता, मा उनी ये-सेम ओल होङङा बुबुया दु़स्‍ता।

रेम्‍बेट्‌मिडिम ल्‍वा 1:20

गाना आमा जो़प ल्‍वालाम ल्‍वान्‍नाम येतले सोरलुङ नुङ येतले सो़नाकु धिप्‍री चाखोपमिमकु दुथाम थक्‍मा ल्‍वा ओरामङा सो़: येतले सोरलुङमिम ने येतले मण्‍डलीकु पाह्रीचो़मिम, मा येतले धिप्‍री चाखोपमिम ने येतले मण्‍डलीमिम सो़।”

रेम्‍बेट्‌मिडिम ल्‍वा 3:1

“सार्डिस मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु येतले पेलमिम नुङ येतले सोरलुङमिम जेथाक्‍पाका आरे र्‍वामी, गाना बेन्‍नाम इमा खारीमिम गो चक्‍पु। गाना नु़पा बुना र्‍वाक्‍साका इमा नङ दोस्‍ताम बु लोवो गाना सिन्‍नाम बु।

थु़र्मा 26:13

हप अग्रिपास, नेम्‍फुबिलि पाह्रीलामका नेप्‍सुङडाम वो हापा झ्‍वाक्‍पा ओल योक्‍तोङा बेपा गो ल्‍वाउतो, मेराम गो मा गोनुङ लक्‍पामिमकु होनोलाम-आथो़लाम झ्‍वाक्‍तोङा लेड्‌डु़।

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

रेम्‍बेट्‌मिडिम ल्‍वा 10:1

मेम्‍मा यु़मनुङमा कोङमी पाह्रीचो़ पाह्रीलामका योक्‍तोङा बेपा ल्‍वाउतो। गु खासेका दिल्‍तासिट्‌पा बाइडा, उ बुइडला नाङगुम बाइडा, उ ङाली नेम्‍सुङ होप्‍माम बाइडा, मा उ खेलचिप मुकु थाम होप्‍माम बाइडा।

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।