फिलिप्‍पी 3:14 - थुलुङ राई

¹⁴ गो पुरस्‍कार घ्‍ल्‍वामु लागि मेरामथो़ उन्‍सिङु। मेरामकाम लागि ख्रीष्‍ट येशूडा माम्‍चु़नीका पाह्रीला येट्‌ङिडिमिम बु।

फिलिप्‍पी 3:14 Referans Kwoze

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

२ पत्रुस 1:3

गुमीलाई छेडिमिमलामका माम्‍चु़नीकु लाम्‍दीडा लाम्‍दिमु लागि चाहेबिइमिम खोत्‍ले ल्‍वा माम्‍चु़नीकु उनी यु़मका गुइलाई ग्‍वाक्‍साड्‌डामिम बु। उहेमका उनी त्‍वाकु यु़म-झ्‍वाक्‍सी नुङ जो़पा दु़म्‍सीलामका गुइलाई येसाड्‌डामी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

लूका 16:16

“कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।

रोमी 11:29

माम्‍चु़नीका ग्‍वाम्‍डिम राप्‍लावा गुमीका मेख्‍लोमी, मा येट्‌मिडिम मु़चु़लाई हेल्‍लो वो मेङेन्‍मी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।