फिलेमोन 1:7 - थुलुङ राई

⁷ आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

फिलेमोन 1:7 Referans Kwoze

२ कोरिन्‍थी 7:13

ओर्मिम खोत्‍लेका आकीमा सो हन्‍डाम बु। आकीमा सो हन्‍बेट्‌निमका कोङङा मेएँ, लावो गानी खोत्‍लेका तीतसकु सो हन्‍बेसाट्‌निमा गेर्सी बेट्‌निमका गुकु वो छो़म भ्रसिट्‍पा बुक।

१ थेसलोनिकी 3:9

इकीमा माम्‍चु़नीकु ङादोडा गानी गेर्सी बेत्तिकिमिमकाम लागि माम्‍चु़नीलाई गुकु हाङको आलासो़ ग्‍वाकु लोवो मेलिडु़!

२ कोरिन्‍थी 7:4

गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

फिलेमोन 1:20

आमा द्‌वादीबुङ ल्‍वाक, ङाचो़ येशूकाम लागि ओराम ख्‍लो़ङी। ख्रीष्‍टडा आमा न-गो भ्रसिबेडा।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

२ यूहन्‍ना 1:4

माम्‍चु़नी पापका बेबेसाड्‌डामिम होङङा कोङनिम इनीमा चो़मिम आच्‍छाङाकाम ल्‍वाडा लाम्‍दित्तोङा बोमिमिम डार्तोमी मा गो छो़म गेर्सी द्‌वाङडोम बु।

२ तिमोथी 1:16

ङाचो़ येशूका ओनेसिफरसकु नेमडाममिमलाई न-थो़म रेम्‍बोमिनु़, हेङालोने मेरामका छेम-छेमका ख्‍लो़साका आमा सो हन्‍बेथाल्‍लु़, मा चला सो़ङ्‌सिङ्‌डोमडाम उमा क्रो़म मेलु़थालावा।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ कोरिन्थी 16:18

मेर्मिमका इनीमा न-गो भ्रसिबेट्‌मिडिम होङङा आमा वो न-गो भ्रसिबेट्‌मिडी। गानी आरेप्‍माम मु़चु़मिमलाई डोक्‍पु मिम्‍मु बासी।