फिलेमोन 1:6 - थुलुङ राई

⁶ इमा थो़रकु दुथाम सो़मु चापा गाना दु़म्‍सा, मेम्‍साका गुइ ख्रीष्‍टडा बाट्‌पामिमनुङ बाट्‌पा खोत्‍ले जो़पा ल्‍वामिम छ्‌याङलो-छ्‌याङलो गाना थेसिथेनानु़ र्‍वाक्‍साका गो सो़म्‍दी बेउ।

फिलेमोन 1:6 Referans Kwoze

२ पत्रुस 1:8

ओर्मिम खोत्‍ले ल्‍वा गानीनुङ छो़म बु माला गानी इकी ङाचो़ येशू ख्रीष्‍टकु दुथाम चनिमिमका हाम ना हामकाम नुङ हाम ना हाम मान्‍थिम मेदु़म्‍नी।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

याकूब 2:17

मेप्‍मामङा थो़र वो खारी बेसीडा मेल्‍वासी माला मेराम ने सिडाम थो़र सो़।

याकूब 2:14

आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

१ कोरिन्थी 14:25

मेरामकु नगोडाम थसिक्‍पा ल्‍वामिम पाखा लुमी मा गुका खुम्‍बु बेसाका माम्‍चु़नीकु सो़रलोले बु़ मा र्‍वा, “माम्‍चु़नी आच्‍छाङा गानीगोडा बुमी।”

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

१ कोरिन्थी 16:9

आमा कोर्थो़लाम बक्‍पा मु़चु़ हापाङा बुमी लोवो आसिन्‍डा ङाचो़कु डोक्‍पु खारी बोमु लागि जो़पा थारी ल्‍वाउतोम बु।

कलस्‍सी 3:10

मा गानी लाले मु़चु़ दु़म्‍निम बु। माम्‍चु़नीका गानीलाई लाले मु़चु़ बनेबोमी, मा गुमीका उनी त्‍वाप होप्‍मामङा गानीलाई बनेबोनिम बुनी, मेम्‍साका गानी गुमीलाई आच्‍छाङा छेनिमी।

मत्ती 25:16

“ङोले सो़नाकु खउलुङ ल्‍वापा डु़ल्‍चो़का लस्‍तामा ब्‍यापार बोमु चो़म्‍ल्‍याड्‌डु़। मेम्‍मा ङोलेङा हापा खउलुङ डु़प्‍डु़।