फिलेमोन 1:2 - थुलुङ राई

² मेम्‍मा इकीमा रिचो़ अप्‍फिया, छो़म मेझापातो खारी बेपा सिपाही होप्‍माम गुकुनुङ खारी बेपा अर्खिप्‍पस नुङ इमा नेमडा खोम्‍सिक्‍पा मण्‍डलीलाई वो ओराम सेलाखाजेम र्‍याक्‍चोकोम बु।

फिलेमोन 1:2 Referans Kwoze

कलस्‍सी 4:17

अर्खिप्‍पसलाई आरे र्‍वाक्‍नी: “ङाचो़ येशूका गानालाई बेबेट्‌नामिम खारी बेसोका।”

फिलिप्‍पी 2:25

लावो इपाफ्रोडिटस आमा ल्‍वाकलाई इनीमाडाङा थु़र्मु बासिक्‍पा लु़ङु। गु गोनुङ खारी बेपा मा आमालाम बासिक्‍साका जो़पा-सेला थो़बेन्मुडा क्‍वाल्‍बा बेपा सिपाही सो़, गु इनीमा सेलाचो़ मा आमा खेरेलाडा गोलाई रेम्मु लागि गानी थु़र्निम।

रोमी 16:5

मेर्चिपकु नेमडा खोम्‍सिक्‍पा मण्‍डलीमिमलाई सेव र्‍वाङ्साङनी। आमा द्‍वादीबुङ ङोप्‍सो़ एशियाडा खोत्‍लेडाम ङादोम थो़रलु़पा इपेनितसलाई सेव बु।

कलस्‍सी 4:15

लाउडिकिया शहरडा बाट्‌पा थो़रलु़पा वा-ल्‍वाकमिमलाई मा नुम्‍फास नुङ उमा नेमडा खोम्‍सिक्‍पा मण्‍डलीलाई आमा सेव र्‍वाङ्‌साङ्‌नी।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।

रोमी 16:1

गो आकीमा रिचो़ ल्‍वाक फिबीनुङ छेबेनिनी, उहेमका किंक्रिया मण्‍डलीडा ख्‍लो़यु़मी।