फिलेमोन 1:17 - थुलुङ राई

¹⁷ गानानुङ कोयोङा खारी बेपा ङोप्‍सो़ र्‍वाक्‍साका गोलाई मिम्‍ङी माला गोलाई होम्‍साकाङा गुलाई वो रङा।

फिलेमोन 1:17 Referans Kwoze

२ कोरिन्‍थी 8:23

तीतस ने आमा ङोप्‍सो़ मा गोनुङ कोयोङा गानीलाई ख्‍लो़पा मु़चु़ सो़। मेम्‍मा कोङमी नले ल्‍वाक ने मण्‍डलीका थु़र्मिडिचिम मा ख्रीष्‍टकु नङ कोक्‍पाचिप सो़।

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

फिलेमोन 1:12

गु छो़म आमा थो़मका रु़ट्‌पा मु़चु़ सो़, गुलाई इमाडाङा ख्‍लोक्‍तोङा लेट्‌पु।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

मत्ती 18:5

उहेमका आमा लागि आरेप्‍माम चो़च्‍चो़लाई हुनाखाना बु़, मेरामका गोलाई हुनाखाना बोङि।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

फिलेमोन 1:10

ओराम चसिखोपगोडा गो ओनेसिमसलाई येशू ख्रीष्‍टडा थो़र लु़बेत्तोमका गु आमा तारापाचो़ होप्‍पाम दु़स्‍ताम बु। मेम्‍मिमका गुडला न-थो़म रेम्‍बे र्‍वाक्‍साका छो़म र्‍वाङु।

१ तिमोथी 6:2

थो़रलु़सीडा वा-ल्‍वाक दु़म्‍निमका थो़र लु़पा डु़ल्‍चो़मिमका नेमहपमिमलाई कि-कि वो याक्‍के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्‍मु ने त्‍वाकु द्‌वादीबुङ थो़र लु़पामिमलाई जो़पा दु़म्‍मु सो़। आरे बेबेडामिमा मेर्मिमलाई सीडामी।

फिलिप्‍पी 1:7

गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।

फिलेमोन 1:18

गुका गानाडला मेजो़पा खारीमिम बु़डु़म बु लोवो इमा जेर पु़डु़म बु लोवो गोलाई सोबेट्‌ङी।